ރާއްޖޭގެ މޫސުމާ ބެހޭ ގައުމި އިދާރާއިން މުޅި ރާއްޖެއަށް ހުދު ސަމާލު (ވައިޓް އެލާޓު) ނެރެފައިވަނިކޮށް ދާދި ދެންމެއަކު ރީނދޫ ސަމާލުވެސް ނެރެފިއެވެ. ބ.އަތޮޅުން ފެށިގެން އައްޑޫ ސިޓީއާއި ހަމައަށް ނެފެފައިވާ ރީނދޫ ސަމާލުގައި މޫސުމާ ބެހޭ އިދާރާއިން ބުނެފައިވަނީ ބޯކޮށް ވާރޭ ވެހި ގަޑިއަކު 25 މޭލާއި 30 މޭލާއި ދެމެދުގެ ބާރުމިނެއްގައި ވައި ޖެހޭނެކަމަށެވެ. މީގެ އިތުރުން ވިލާގަނޑުގައި ގަޑިއަކު 50 މޭލަށް ވައި ގަދަވެ، ކަނޑުތައްވެސް ގަދަވާނެ ކަމަށް މޫސުމާ ބެހޭ އިދާރާއިން ބުނެފައިވެއެވެ.
މި ދުވަސްކޮޅު ރާއްޖޭގެ އެކި ހިސާބުތަކަށް މޫސުން ގޯސްވެ، ކަނޑު ގަދަވާނެ ކަމަށް ލަފާކުރެވޭތީ ކަނޑުދަތުރުފަތުރުކުރާ އުޅަނދުތަކުން އެކަމަށް ސަމާލުވުމަށްވެސް އެ ފަރާތުން އިލްތިމާސް ކުރެއެވެ.
