މާލޭ ކެފޭ އެއްގައި ގޭސްފުޅިއެއް ގޮވައި، ބަޔަކަށް އަނިޔާވެއްޖެއެވެ.
އެމްއެންޑީއެފުން މައުލޫމާތުދޭ ގޮތުގައި ކިނބިގަސް މަގުގައި ހުންނަ އެންޖީބީ ކެފޭ ގައި ގޭސް ފުޅިއެއް ގޮވައި ހިނގި ހާދިސާގައި 3 މީހަކަށްވަނީ އެކިވަރުގެ އަނިޔާ ލިބިފައެވެ.
މި ހާދިސާގައި ޒަހަމުވީ މީހުންގެ ތެރެއިން މިވަގުތު ހޮސްޕިޓަލުގައި ފަރުވާ ދެމުން އަންނަނީ އެތަނުގައި މަސައްކަތްކުރަމުންދިޔާ ސްރީލަންކާ ޝެފެވެ. މި ހާދިސާ ހިނގަން މެދުވެރި ސަބަބެއް މިހާތަނަށް ސާފެއްނުވެއެވެ. އެމްއެންޑީއެފުން މައުލޫމާތުދެމުން ބުނެފައިވަނީ އެ ހާދިސާ ތަހުގީގު ކުރުމަށްފަހު އެކަން ހިނގިގޮތް ފަހުން ހާމަކުރާނެ ކަމަށެވެ.
މި ހާދިސާގައި ކެފޭ ގެ ބޭރު ބިއްލޫރިގަނޑު ތަޅައިގެން ދިއުން ފިޔަވައި މާބޮޑު ގެއްލުމެއް ވެފައި ނުވެއެވެ.
