ހުޅަނގުން ބުނާހާ ގޮތެއް ހަދައި، އެމީހުން ކިތަންމެ ފިއްތުންތަކެއް ކުރިމަތި ކުރިޔަސް ހަމާސްއާއި ގުޅުން ކަނޑާނުލާނެ ކަމަށް މެލޭޝިޔާގެ ބޮޑުވަޒީރު އަންވަރު އިބްރާހިމް ވިދާޅުވެއްޖެއެވެ. މެލޭޝިޔާގެ ރައްޔިތުންގެ މަޖުލީހުގައި ވާހަކަފުޅު ދައްކަވަމުން އަންވަރު އިބްރާހިމް ވިދާޅުވީ ހުޅަނގުން ބުނަމުންދަނީ ހަމާސްއަކީ ހަތިޔާރުއެޅި ޓެރަރިސްޓު ޖަމާއަތެއް ކަމަށާއި އެމީހުންނާ ގުޅުން ކަނޑާލަން ގައުމުތަކުން އެކަތިގަނޑަކަށް ވާން ޖެހޭނެ ކަމަށެވެ. ނަމަވެސް އަންވަރު ވިދާޅުވީ ފަލަސްތީނުގެ ނިކަމެތި ރައްޔިތުންގެ ހައްގުގައި އަދި އަމިއްލަ ބިމާއި ވަތަނަށްޓަކައި މަސައްކަތްކުރާ ބަޔަކާއި ގުޅުން ކަނޑާނުލެވޭނެ ކަމަށާއި ފަލަސްތީނާއި އަދި ހަމާސްއާއި މެލޭޝިޔާގެ ރައްޔިތުންނާ ވަނީ ހިތާއި ހިތުގެ ގުޅުމުން ގުޅިފައިކަމަށެވެ.
މެލޭޝިޔާއަކީ އިޒްރޭލުގެ ޕާސްޕޯޓު ގަބޫލު ނުކުރާ މަދު ގައުމުތަކުގެ ތެރެއިން އެއް ގައުމެވެ.
