ތިރީގައިމިވަނީ މިދިޔަ މަހުގެ 19 ވަނަ ދުވަހު ހުޅުމާލެއިން ގެއްލިގެން ހޯދަމުން ދިޔަ މުހައްމަދު އަޒްހާންއާއި ބެހޭ ގޮތުން މޯލްޑިވްސް ޕޮލިސް ސަރވިސްއިން މިއަދު ދިން ޕްރެސްކޮންފަރެންސްގެ މުހިއްމު، ފަހުގެ މައުލޫމާތު ތަކެވެ.
- އަޒްހާން ގެއްލިގެން ޕޮލިހަށް ރިޕޯޓްކޮށްފައިވަނީ މިދިޔަ މަހުގެ 19 ވަނަ ދުވަހު ހަވީރު 16:20 ގައި ހުޅުމާލޭ ފޭސް 2 ގެ ޕޮލިސް ސްޓޭޝަނަށް.
- އަޒްހާން ގެ އާއިލާއާއި ރައްޓެހިން ދިން މައުލޫމާތުގެ މައްޗަށް ބިނާކޮށް އޭނާ ދާނެހެން ހީވާ ތަންތަނުގެއާއި ދަތުރުކުރި މަގުތަކުގެ ސީސީޓީވީ ފުޓޭޖް ތައް ބެލި އަދި ހުޅުމާލެއާއި މާލެއާ ދެމެދު ދަތުރުކުރި ވެހިކަލްތަކާއި އެ ވެހިކަލްތަކުގެ ވެރިންނަށް ގުޅައިގެން މާއުލޫމާތު ސާފްކުރި.
- އަޒްހާން ރާއްޖެއިން ބޭރަށް ނުވަތަ ރާއްޖޭގެ އެހެން ރަށަކަށް ދަތުރުކޮށްފައިވޭތޯ ވެސް ބަލާފައިވޭ.‘
- މި މަހުގެ 2 ވަނަ ދުވަހު ވަރަށް ބޮޑަށް ކުނިވެފައިވާ ހަށިގަނޑެއް، ހުޅުމާލޭ ވޯޓަރ ޕާކު ސަރަހައްދުގެ ހުޅަނގު ފަރާތުން ފެނިފައިވޭ، ބޭރަށް ފޮނުވައިގެން ހެދި ޑީއެންއޭ ރިޕޯޓުން އަޒްހާން ކަމަށް ކަށަވަރުކުރެވުނު.
- އަޒްހާންގެ ހަށިގަނޑުގައި ބޮޑެތި ޒަހަމްތަކެއް ނެތްކަމަށްވެސް ޑީއެންއޭ ރިޕޯޓުން ދައްކާ.
- އަޒްހާން ގެ ހަށިގަނޑު ފެނުނު ސަރަހައްދުން ކުނިވަސްދުވާތީ އެއްވެސް ބަޔަކު ރިޕޯޓްކޮށްފައި ނެތް.
- އަޒްހާންގެ ހަށިގަނޑުކަމަށް ސޯސަލް މީޑިއާގައި ދައުރުވަނީ ސްކޭމް ލިންކެއް، އެއީ އަޒްހާން ގެ ހަށިގަނޑުކަމަށް ބުނާ ފޮޓޯއެއް ނޫން.
