ހދ. ނައިވާދޫގެ ހުޅަނގުން 7 ނޯޓިކަލް މޭލުން ފެނުނު ބޭރުގެ މަސްބޯޓެއްގެ ކަންތައް ބަލަމުންދާ ކަމަށް އެމްއެންޑީއެފުން ބުނެފިއެވެ. ރާއްޖޭގެ އިގްތިސާދީ ސަރަހައްދުގެ ތެރެއަށް ގަވައިދާ ހިލާފަށް ވަދެގެން އުޅެނިކޮށް މި ބޯޓުގެ މައުލޫމަތު އެމްއެންޑީއެފަށް ފޯރުކޮށްދީފައިވަނީ ރާއްޖޭގެ މަސްވެރިން ތަކެކެވެ.
އިއްޔެ ހަވީރު 17:42 ގައި އެމްއެންޑީއެފަށް މައުލޫމާތު ލިބުނު ވަގުތުން ފެށީގެން އެމްއެންޑީއެފް ކޯސްޓުގާޑު ނޮދަން ސްކޮޑްރަން އިން މިހާރު ދަނީ އެ ސަރަހައްދުގައި ހަރަކާތްތެރި ވަމުންނެވެ.
ދޭތެރެ ދޭތެރެއިން ރާއްޖޭގެ އިގްތިސާދީ ސަރަހައްދަށް ގަވއިދާ ހިލާފަށް ބޭރުގެ ބޯޓު ފަހަރު ވަދެއެވެ. އާއްމުކޮށް މި ގޮތަށް ވަންނަނީ މަސްވެރިކަން ކުރުމުގެ ބޭނުމުގައެވެ. މިގޮތަށް ވަދެފަހުރި ބައެއް އުޅަނދުތައް ދައުލަތުގެ ބެލުމުގެ ދަށަށް ބޯޓު ނެގުމަށް ފަހު ފަޅުވެރިން ޑީޕޯޓުކޮށްފައިވެސް ވެއެވެ.
