ހުޅުމާލެ ދެވަނަ ފިޔަވަހިން ކަރަންޓު ކެނޑިފައިވަނީ ދިމާވި ޓެކްނިކަލް މައްސަލައަކުން ކަމަށާއި އެކަން މިހާރު ބަލަމުން އަންނަ ކަމަށް ސްޓެލްކޯއިން ބުނެފިއެވެ. ސްޓެލްކޯއިން އެކްސް މެސެޖެއްގައި ބުނެފައިވަނީ ކަރަންޓު ކެނޑެން ދިމާވީ ޓެކްނިކަލް މައްސަލައަކުން ކަމަށެވެ.
މުރާސިލަށް މައުލޫމާތު ދެމުން ހުޅުމާލޭގައި ދިިރިއުޅޭ ބައެއް މީހުން ބުނެފައިވަނީ ފޭސް އެކެއްގެވެސް ބައެއް ހިސާބުތަކުގައި ކަރަންޓު ނެތް ކަމަށެވެ.
މަސައްކަތްތަކެއް ކުރުމަށް މާލޭގެ ބައެއް ހިސާބުތަކުން ކަރަންޓު ކެނޑިދާނެ ކަމަށް ދުރާލާ ނޯޓިސްއެއްވަނީ ކުރިން ނެރެފައެވެ. ނަމަވެސް ހުޅުމާލޭގައި މަސައްކަތެއް ހިނގާކަމަށް އެ ނޯޓިސްގައި ބުނެފައިނުވެއެވެ.
