މަކަރާއި ހީލަތުން ފައިސާ ހޯދާފައިވާ މައްސަލައެއްގެ ތަހުގީގަށް މީހަކު ހޯދުމަށް ފުލުހުން އިއުލާންކޮށްފިއެވެ.
ފުލުހުން މައުލޫމާތުދޭ ގޮތުގައި މި މައްސަލަ ތަހުގީގު ކުރަމުންދާ ހުޅުމާލެ ފޭސް 2 ޕޮލިސް ސްޓޭޝަނުން ހޯދަމުންދަނީ ލ.ކަލައިދު ތެމާ، އަލީ މިގުދާދެވެ.
އުމުރުން 24 އަހަރުގެ މިގުދާދު އުޅޭ ވަކިތަނެއް ނޭންގުމުގެ ސަބަބުން ތަހުގީގަށް ހާޒިރު ކުރުމަށް މިހާތަނަށް ޗިޓު ރައްދު ކުރެވިފައި ނުވާ ކަމަށްވެސް ފުލުހުން މައުލޫމާތު ދެއެވެ.
މިގުދާދު ހޯދަމުންދަނީ މަކަރާއި ހީލަތުގެ ކޮން މައްސަލައެއްގައި ކަމެއް ފުލުހުން ހާމަކޮށްފައި ނުވެއެވެ.
