މާލެ، މާފަންނުގެ ވަކި ހިސާބަކުން މިރޭ ފެނުގެ ހިދުމަތް މެދުކެނޑޭނެ ކަމަށް އެމްޑަބްލިއު އެސްސީއިން ބުނެފިއެވެ. އެ ކުން ފުނިން ބުނީ މިރޭ ދަންވަރު 11 އިން ފެށިގެން 2އަށް ފެނުގެ ހިދުމަތް ކެނޑޭނީ ފުލޫނިޔާ ގޯޅީގައި ހުރި ހުރިހާ ގެތަކާއި ހަވީރީ ހިނގުމާއި ފުލޫނިޔާ ދެމެދުން ޝަހީދުއަލީ ހިނގުމުގައި ހިމެނޭ ގެތަކުންނެވެ.
މިއީ ޝަހީދުއަލީ ހިނގުމުގައި ކުރިން އަޅާފައިވާ ފެންހޮޅިއާއި މިހާރު އަޅާފައިވާ ފެން ހޮޅީގެ މަސައްކަތް ކުރާ ވަގުތު ކަމަށާއި މި ކަމަކީ ކުރިން ޕްލޭނު ކުރެވިގެން މާލޭ ގެ ސްޓްރީޓް ސްކޭޕީން‘ ގެ ދަށުން ކުރަމުން އަންނަ މަސައްކަތްތަކެއް ކަމަށް ވެސް އެފަރާތުން ހާމަކުރެއެވެ. މި ފަދަ މަސައްކަތްތައް ކުރުމުގައި ފެން ކަނޑާލަން ޖެހުން ފަދަ ކަންތައްތައް ކުރަނީ އާއްމުންނަށް ވީހާވެސް ދަތި ނުވާނެ ގޮތްތަށް ބަލައިގެން ކަމަށާއި މިކަމުގައި އާއްމުންނަށް ދިމާވެދާނެ އެންމެހާ ދަތތަކަށް ނިހާޔަތަށް މައާފަށް އެދޭ ކަމަށްވެސް އެ ފަރާތުން ބުނެފައިވެއެވެ.
