މިނިސްޓްރީ އޮފް ނެސެނަލް ޕްލޭނިންގ ހައުސިން އެންޑް އިންފްރާސްޓްރަކްޗަރ އިން އެމްޓީސީސީ އާއި ހަވާލުކޮށްގެން ހެދި ހއ. ހޯރަފުށީ އެއަރޕޯޓުގެ ޖެޓީގެ މަސައްކަތް ނިންމާ ބޭނުން ކުރަން ހުޅުވާލައިފިއެވެ. 5.60 މިލިއަން ރުފިޔާގެ މި މަޝްރޫއުގެ ސަބަބުން ކައިރި ރަށްރަށުން ހޯރަފުށި އެއަރޕޯޓަށްދާ ޕަސިންޖަރުންނަށް ފަސޭހަ ކަމާއެކު އެއަރޕޯޓު ބޭނުން ކުރެވޭނެއެވެ. މީގެ ކުރިން އެހެން ރަށްރަށުން އެއަރޕޯޓަށް އަންނަ ޕަސިންޖަރުން ބޭނުންކުރަން ޖެހެނީ ހޯރަފުށި ބަނދަރެވެ. މި ބަނދަރުން އެއްގަމު އުޅަނދެއްގައި އެއަރޕޯޓާ ހަމައަށް އައުމަށް އިތުރު ވަގުތާއި އިތުރަށް ފައިސާ ހަރަދުވާތީ އެކަމުގެ ޝަކުވާ ވަރަށް ގިނަ މީހުން ކުރަމުން އަންނާތީވެ ހަދާފައިވާ މި ޖެޓީގެ ސަބަބުން ސީދާ އެއަރޕޯޓަށް ޕަސިންޖަރުންނަށް އާދެވޭނެއެވެ،
ހއ.ހޯރަފުށި އެއަރޕޯޓަކީ މި ސަރުކާރުން އެމްޓީސީސީއާއި ހަވާލުކޮށްގެން ހެދި އެއަރޕޯޓެކެވެ. މި އެއަރޕޯޓުގެ ސަބަބުން ރާއްޖޭގެ އެންމެ އުތުރުގެ އަތޮޅުތަކަށްވަނީ ވަރަށް ބޮޑު ފަސޭހައެއް ލިބިފައެވެ. މޫސުން ގޯސްވާ ދުވަސްވަރު ގަދަ ކަނޑެއް ކަމަށްވާ ގައްލަންދޫ ކަނޑު ހުރަސްކޮށް ހަނިމާދޫން އެއަރޕޯޓަށްދާ މި ރަށްރަށުގެ މީހުންގެ މި ތަކުލީފަށް ނިމުމެއް ގެނެސްދިނީ ހޯރަފުށި އެއަރޕޯޓެވެ.
