މި ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން ދޫކުރާ ފްލެޓަށް ސަރުުތު ހަމަވާ މީހުންގެ ތެރެއިން ފްލެޓު ލިބޭ ދާއިމީ ލިސްޓު އަންނަ ހަފްތާގައި ނެރޭނެ ގޮތަށް ހަމަޖައްސައިފިއެވެ. މީޑީއާ ތަކަށް މައުލޫމާތު ދެއްވަމުން ހައުސިން މިނިސްޓްރީގެ އޮފިޝަލެއް ވިދާޅުވީ މިހާރު ކުރަމުންދަނީ ހާލަތު ބެލުމުގެ މަސައްކަތް ކަމަށާއި އެކަން ވަރަށް ބާރަށް ކުރިއަށްދާ ކަމަށެވެ. މީގެ އިތުރުން މައްސަލަތައް ހުށައަޅާފައިވާ ފަރާތްތަކުގެ މައްސަލަތައް ފާހަގަކުރުމާއި، އެނޫންވެސް އިދާރީ އޮޅުމެއް އަރާފައިވާ ނަމަ އެކަންވެސް ދަނީ ބަލަމުން ކަމަށެވެ.
ފްލެޓް ލިބޭ މީހުންގެ ވަގުތީ ލިސްޓު އާންމުކޮށް، ޝަރުތު ހަމަވާ އެންމެންނަށް ފްލެޓް ދޭނެކަން ހައުސިން މިނިސްޓްރީން އިއުލާން ކުރީ މިދިޔަ މަހުގެ އަށެއްގައެވެ.
އެ ލިސްޓުގައި 20،697 މީހަކު ހިމެނެއެވެ. މީގެ ތެރެއިން ދެ ކޮޓަރީގެ ފްލެޓަށް ލާފައިވަނީ 6،208 މީހުންނެވެ. އަދި ތިން ކޮޓަރީގެ ފްލެޓަށް އެދިފައި ވަނީ 14،489 މީހުންނެވެ.
އެ ލިސްޓުން ދައްކާ ގޮތުގައި ފްލެޓަށް އެދުނު މީހުންގެ ތެރެއިން 15،046 މީހުންގެ ޝަރުތު ހަމަވެއެވެ. އޭގެ ތެރޭގައި ދެ ކޮޓަރީގެ ފްލެޓަށް ޝަރުތު ހަމަވާ 4،319 މީހުންނާއި ތިން ކޮޓަރީގެ ފްލެޓަށް ޝަރުތު ހަމަވާ 10،727 މީހުން ހިމެނެއެވެ. އެ އެންމެންނަށް ދިނުމަށް ޖުމްލަ 13،500 ފްލެޓް އިމާރާތްކުރަން ޖެހޭނެއެވެ.
އެ މިނިސްޓްރީން މިހާރު ދަނީ ފްލެޓަށް ޝަރުތު ހަމަވި މީހުން ހުށަހަޅާފައިވާ ފޯމުގައި ދިރިއުޅުމުގެ ހާލަތާ ބެހޭ ގޮތުން ބަޔާންކޮށްފައިވާ މައުލޫމާތު ސައްހަތޯ ކަށަވަރު ކުރުމަށް ގެތަކަށް ޒިޔާރަތް ކުރުމުގެ މަސައްކަތް ކުރަމުންނެވެ.
”ގެދޮރުވެރިޔާ“ ސްކީމްގެ ދަށުން ދޫކުރާ 4،000 ފްލެޓެއްގެ މަސައްކަތް ކުރަނީ އިންޑިއާގެ ދެ ކުންފުންޏެއް ކަމަށްވާ ޖޭއެމްސީ އާއި އެންބީސީސީ އިންނެވެ. އެ ދެ ކުންފުނިން އަޅާ 32 ހައުސިން ޓަވަރުގެ މަސައްކަތް އެއްކޮށް ނިމި، މީހުންނަށް ދިރިއުޅެވެން ފެށޭނީ 2025ގެ ތެރޭގައި ކަމަށް ފަހި ދިރިއުޅުން ކޯޕަރޭޝަން (އެފްޑީސީ)އިން ވަނީ ބުނެފައެވެ.
މީގެ އިތުރުން، މާލެ ސަރަހައްދުގައި އިތުރު 4،000 ފްލެޓް އިމާރާތް ކުރުމުގެ މަޝްރޫއުއެއް އިންޑިއާގެ ކަލްޕަޓަރު ޕްރޮޖެކްޓްސް އިންޓަނޭޝަނަލް ލިމިޓެޑް (ކޭޕީއައިއެލް)އާ މިދިޔަ މަހުގެ ދެވަނަ ދުވަހު ވަނީ ހަވާލުކޮށްފައެވެ.
މީގެ އިތުރުންވެސް ގިނަ އަދަދެއްގެ ފްލެޓު އެޅުމަށްވަނީ އަމިއްލަ ކުންފުނިތަކާ ހަވާލުކޮށްފައެވެ. މީގެ އިތުރުން 400 ފްލެޓުގެ ޕްރޮޖެކްޓެއްވެސް ވަރަށް އަވަހަށް އިއުލާން ކުރެވޭނެ ކަމަށްވެސް ސަރުކާރުން ކުރިން މައުލޫމާތު ދީފައިވެއެވެ.
ތިކަމުން ލިބޭނެ ވޯޓެއް ނޯންނާނެ