މިއަދު ބޭއްވި މާލޭ ސިޓީ މޭޔަރު ގެ އިންތިހާބުގައި ބޮޑު ތަފާތަކުން އާދަމް އާޒިމު ކާމިޔާބު ކުރައްވަައިފިއެވެ. އެމްޑީޕީގެ ކެންޑިޑޭޓު އާދަމް އާޒިމާއި އެންމެ ކައިރިން ވާދަކުރެއްވީ ސަރުކާރު ކޯލިޝަނުގެ ކެންޑިޑޓު އާޒިމާ ޝުކޫރެވެ.
މިހާތަނަށް ލިބިފައިވާ ވަގުތީ ނަތީޖާ ދައްކާ ގޮތުން އާދަމް އާޒިމަށް ވަނީ 7415 ވުރެ ގިނަ އަދަދެއްގެ ވޯޓު ހޯއްދަވާފައެވެ. އާޒިމާ އަށް ލިބިފައިވަނީ 4925 ވޯޓެވެ. ރައީސް ނަޝީދުގެ ދަ ޑިމޮކްރެޓްސްއިން ވާދަކުރެއްވި ސައިފު ފާތިހުއަށް ލިބިފައވަނީ 2285 ވޯޓެވެ، ރައީސް ޔާމީނުގެ ތާއީދާއެކު ވާދަކުރެއްވި ހުސެއިން ވަހީދަށް 1821 ވޯޓު ލިބުނުއިރު އަމިއްލަ ގޮތުން ވާދަކުރި ޝުއައިބު އަލީއަށް ލިބުނީ 117 ވޯޓެވެ.
މިހާތަނަށް ގުނި ނަތީޖާއިން އާޒިމު ކުރި ހޯއްދެވުމުން އެ މަނިކުފާނަށް މަރުހަބާ ކިޔައި، އެމްޑީޕީގެ ވެރންނާއި ބައެއް އާއްމުން އަންނަނީ އާޒިމަށް މަރުހަބާ ކިޔަމުންނެވެ.
