ށ. ކީކިމިނީގައި ހަދާފައިވާ މަސް ފެކްޓަރީއަށް މަސްގަންނަން ފަށައި، އެތަން އިއްޔެ އޮޕަރޭޓު ކުރަން ފަށާފައިވާ ކަމަށް އައިލެންޑް އެންޓަޕްރައިޒަސް އިން ބުނެފި އެވެ.
އައިލެންޑް އެންޓަޕްރައިޒަސްއިން ހިންގަމުން އަންނަ ކީކިމިނި މަސްފެކްޓަރީގައި ވަނީ 1900 ޓަނުގެ ކޯލްޑް ސްޓޯރޭޖެއް ގާއިމްކޮށްފަ އެވެ.
ކީކިމިނިއިން ކަންނެއްޔާއި ކަޅުބިލަމަސް ގަންނަން ނިންމާފައިވާއިރު، 1.5 ކިލޯއަށް މަތިނަމަ 13ރ. އަށް އަދި އެއަށް ވުރެ ދަށްނަމަ ގަންނާނީ 5.5ރ. އަށް ކަމަށް އެ ކުންފުނިން ބުނެ އެވެ.
މި ފިޝަރީޒް ކޮމްޕްލެކްސްއިން މަސް ކިރަން ބޭނުންވާ ފަރާތްތަކުން 9754667 ނުވަތަ 799230 އަށް ގުޅުމަށް އެ ކުންފުނިން އެދެ އެވެ.
ކީކިމިނީގައި މަސް ފެކްޓަރީއެއް ގާއިމުކުރުމަށް އެ ކުންފުންޏާ ހަވާލުކޮށްފައިވަނީ މީގެ 18 ވަރަކަށް އަހަރު ކުރިންނެވެ
