މަސްވެރިން މިއަދު ހަވީރުން ފެށިގެން މާލޭ ރަސްމީ ފާލަން ހިމެނޭ ސަރަހައްދުގައި ކުރަމުންދާ މުޒާހަރާގައި، އެ ސަރަހައްދު ފަޅު ތެރެއަށް ވަތް އެއްވެސް ދޯންޏަކަށް ފިޔަވަޅެއް ނާޅާނެ ކަމަށް ފިޝަރީޒް މިނިސްޓަރ އަހުމަދު ޝިޔާމު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ މިއަދު މަސްވެރިންނާ ބައްދަލު ކުރުމަށް މުޒާހަރާގައި ބައިވެރިވާ ކަންނެލި ދޯންޏެއްގައި ހުންނަވައި މުރާސިލުން ކުރި ސުވާލަކަށް ޖަވާބު ދެއްވަމުންނެވެ. މިނިސްޓަރު ވިދާޅުވީ މަސްވެރިން މާލެ ފަޅު ތެރެއަށް ވަނުމަށް ރައީސް ޑރ.މުހައްމަދު މުއިއްޒު ހުއްދަ ދެއްވާފައިވާ ކަމަށާއި ސަރުކާރުން މިހާރު މިދަނީ މިތަނުގައި ތިބި މަސްވެރިންގެ ޝަކުވާ އަޑު އަހަމުން ކަމަށެވެ. އެހެން ކަމުން މި މުޒާހަރާގައި ބައިވެރިވުމަށް އެއް ނަމްބަރު ސަރަހައްދު ފަޅު ތެރޭގައި ހަރަކާތްތެރިވާ އެއްވެސް މަސްދޯންޏަކަށް ފިޔަވަޅު އަޅަން ހަމަޖެހިފައި ނުވެއެވެ،
މިއަދު ހަވީރު ދޯނި ފަހަރު މާލެ ފަޅު ތެރެއަށް ވަނުމަށް މަސައްކަތް ކުރުމުން އެމްއެންޑީއެފުން ވަނީ ހުރަސް އަޅާފައެވެ. މިގޮތުން އެމްއެންޑީއެފް ކޯސްޓުގާޑުގެ ތިން އުޅަނދަކުން ދޯނި ފަހަރު ފަޅަށް ވަނަ ނުދިނުމަށް ނެރުމަތީގައިވެސް މަސައްކަތްކޮށްފައިވެއެވެ. އެމްއެންޑީއެފުން ހުރަސް އަޅަމުންދަނިކޮށް ބައެއް ދޯނި ފަހަރުވަނީ ’ވަރަށް ހަނި ދޭތެރެއަކުން‘ ނެވެ. މިނިސްޓަރު މަސްވެރިންނާއި ބައްދަލު ކުރައްވަމުން ގެންދެވިއިރުވެސް ކޯސްޓުގާޑު އުޅަނދެއް މާލޭ އެއް ނަމަބްރު ނެރުކުރިމަތީގައި ހަރަކާތްތެރިވަމުންދިޔައެވެ.
މަސްވެރިން ބުނަމުންދަނީ އެމީހުންގެ ޑިމާންޑުތަކާއި ޝަކުވާތަކަށް ސަރުކާރުން އަމަލު ކުރުމުން ނޫނީ މުޒާހަރާ ހުއްޓާނުލާނެ ކަމަށެވެ.
