ނެޕީއެއް ޖަހައިގެން ، ނެޕީ ތެރޭގައި މަސްތުވާތަކެތި ފޮރުވައިގެން އިންޑިޔާއިން އަންނަން އުޅުނު ދިވެއްސަކު ހައްޔަރުކޮށްފިއެވެ.
އިންޑިޔާގެ ހޯމް އެފެއަރޒް މިނިސްޓްރީގެ ދަށުން ހިންގާ ސެންޓްރަލް އިންޑަސްޓްރިއަލް ސެކިއުރިޓީ ފޯހުން ހާމަކޮށްފައިވާ ގޮތުގައި ޔޫސުފް ފުއާދު ނަމަކަށް ކިޔާ މީހަކު، ކޮޗިން އެއަރޕޯޓުން ބަލާ ފާސްކުރުމުގެ ތެރޭގައި، އޭނާ ލައިގެން ހުރި ނެޕީގެ ތެރެއިން 325.5 ގްރާމްގެ ކެޕްސޫލް ފެނިފައިވެއެވެ. މި ކެޕްސޫލުތަކުގައި ރައްކާ ކޮށްގެން އެތެރެކުރަން އުޅުނީ މަސްތުވާތަކެތީގެ ބާވަތެއް ކަމަށް ވާ އެމްފެޓަމިން އެވެ. މި މީހާ މިހާރު ވަނީ އިންޑިޔާގެ ނާކޮޓިކްސް ކޮންޓްރޯލް ބިއުރޯގެ އޮފިޝަލުންނާ ހަވާލުކޮށްފައެވެ.
މި ކަމާ ގުޅިގެން ދިވެހި ފުލުހުންގެ ބަހެއް އަދި ނުލިބެއެވެ.
