މ.އަތޮޅުން ފެށިގެން ފުވައްމުލަކު ސިޓީއަށް ރީނދޫ ސަމާލު ނެރެފިއެވެ.
މޯލްޑިވްސް މީޓިއޮރޮލިޖިކަލް ސަރވިސްއިން ބުނީ މިއަދު 11:00 އިން ފެށިގެން 15:00 އަށް އެ އަތޮޅުތަކަށް ރީނދޫ ސަމާލު ނެރެފައިވާ ކަމަށެވެ.
އެގޮތުން މި ސަރަހައްދަށް ބޯކޮށް ވާރޭވެހި ގުގުރާނެ ކަމަށް ވެސް ވަނީ ލަފާކޮށްފައެވެ.
މީގެ އިތުރުނ މިއަދު 10:00 އިން 16:00 އަށް ނ.އަތޮޅުން ފެށިގެން ވ.އަތޮޅަށް ވަނީ ހުދު ސަމާލު ނެރެފައެވެ. އެ އަތޮޅުތަކަށް ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި ކަނޑުތައް ގަދަވާނެ ކަމަށް ވަނީ ލަފާކޮށްފައެވެ.
ކަނޑު ދަތުރުފަތުރުކުރާ ފަރާތްތަކުން މޫސުމަށް ބަލައިގެން ދަތުރު ކުރުމަށް ކަމާ ބެހޭ އިދާރާތަކުން އިލްތިމާސް ކުރެއެވެ.
