ކުރީގެ ރައީސް އަބްދުﷲ ޔާމީން، އެ މަނިކުފާނު އިސްވެ ހުންނަވައި އުފައްދަވާ ޕީޕަލް ނެޝަނަލް ފްރޮންޓު (ޕީއެންއެފް)އަށް ރޭ ސޮއިކުރައްވައިފިއެވެ.
ޔާމީންގެ ދަރިކަލުން ޒެއިން ޔާމީނުގެ މުއައްސިސް ކަމުގެ ދަށުގައި އުފައްދަން މަސައްކަތްކުރާ ޕީއެންއެފްއަށް ސޮއިކުރެއްވީ އެ ޕާޓީގެ އޮފީހުގައި މިރޭ ބޭއްވި ޖަލްސާއެއްގައެވެ.
ޔާމީން އުފެއްދެވި ޕީޕީއެމުން ވަކިވެވަޑައިގެން ޕީއެންއެފްގެ ނަމުގައި އާ ސިޔާސީ ޕާޓީއެއް އުފެއްދެވުމުގެ މަސައްކަތް ފައްޓަވައިފައިވަނީ މިދިޔަ މަހުގެ 23 ވަނަ ދުވަހުއެވެ. އެއީ އެ މަނިކުފާނު ޕީޕީއެމުން ވެސް ވަކިވެވަޑައިގަތް ދުވަހެވެ.
ޕީއެންއެފްއަށް ސޮއިކުރުމަށްފަހު ޕާޓީގެ މެމްބަރުންނާއި އަދި މީޑިއާއަށް އެއްވެސް އެއްޗެއް ވިދާޅެއްނުވެއެވެ. މަނީލޯންޑްރިން ގެ މައްސަލައެއް ބަލަމުންދާތީވެ، ޖަަލުގެ ހުކުމެއްގައި ހުއްޓަސް މި ވަގުތު ގޭބަންދަށް ބަދަލުކޮށްފައިވަނީ ސަިޔާސީ ކަންކަމުގައި ބައިވެރިނުވެވޭ ގޮތަށް ޝަރުތު ކުރުމަށް ފަހުގައެވެ.
އިލެކްޝަންސް ކޮމިޝަން (އީސީ) އިން ވަނީ މިދިޔަ މަހުގެ 29 ވަނަ ދުވަހު ޕީއެންއެފް އުފެއްދުމުގެ ހުއްދަ ދީފައެވެ.
