މ.ރަބީއުވިލާގައި ރޯވި އަލިފާން ނިއްވާލައިފިއެވެ.
އެމްއެންޑީއެފުން މައުލޫމާތު ދޭ ގޮތުގައި މ.ރަބީއުވިލާ ގައި އަލިފާނުގެ ހާދިސާއެއް ހިނގައިގެން އުޅޭކަމުގެ މައުލޫމާތު ލިބުނީ މިރޭ 8:19ގައެވެ. އެމްއެންޑީއެފް ގެ ފަޔަ އެންޑު ރެސްކިއު ސަރވިސްގެ މަސަކަތުން މިރޭ 9.12 ގައި އަލިފާންގަނޑު ވަނި ކޮންޓްރޯލްކޮށްފައެވެ. މި ހާދިސާގައި ރޯވެ އަނދާފައިވަނީ ރަބީއުވިލާ ގެ 4 ވަނަ ފަންގިފިލާއެވެ. މި ހާދިސާގައި އެއްވެސް މީހަކަށް އަނިޔާ ލިބިފައި ނުވެއެވެ.
މި އިމާރާތުގައި އަލިފާނުގެ ހާދިސާއެއް ހިނގަން މެދުވެރިވި ސަބަބެއް މިހާތަނަށް އެމްއެންޑީއެފުން ހާމަކޮށްފައި ނުވެއެވެ.
އެ ސަރަހައްދު މީހުން މައުލޫމާތުދޭ ގޮތުގައި އަލިފާނުގެ ހާދިސާ ހިނގި ރަބީއުވިލާގެ 4ވަނަ ފަންގިފިލާގައި މީހުން ދިރިނޫޅޭތާ ދުވަސްތަކެއް ވަނީ ވެފައެވެ.
