އިޒްރޭލު ސިފައިންގެ ލާއިންސާނީ އުދުވާނީ ހަމަލާތަކުން ފަލަސްތީނުގެ ރައްޔިތުންގެ ރައްކާތެރިކަމާއި ސަލާމަތަށް އެދި ކޮންމެ ނަމާދެއްގައި ކިޔަމުންއައި ގުނޫތުއްނާޒިލާ ކިޔުން ހުއްޓާލައިފިއެވެ.
އިސްލާމިކް މިނިސްޓްރީން މިސްކިތްތަކުގެ އިމާމުންނަށް އަންގާފައިވަނީ މީގެ ކުރިން ހުރިހާ ނަމާދެއްގައި ކިޔަމުންއައި ގުނޫތު ކިޔުން ހުއްޓާލައި ހަމައެކަނި ރޭގަނޑުގެ ނަމާދުތަކުގައި ގުނޫތު ކިޔުމަށެވެ. މި ބަދަލުގެނަޔަސް ގުނޫތު ދުއާގައި ކުރިންވެސް ކިޔަމުންއައި ގޮތަށް ކިޔުމަށްވެސް އެ ސާކިއުލާގައިވަނީ ބުނެފައެވެ.
ކުރިން ހުރިހާ ނަމާދެއްގައި ކިޔަމުންއައި ގޮތް، ހަމައެކަނި ރޭގަނޑު ނަމާދުތަކަށް ބަދަލު ކުރި ސަބަބެއް އިސްލާމިކް މިނިސްޓްރީގެ ސާކިއުލާގައި ބުނެފައިނުވެއެވެ. މިހާރުވެސް ކޮންމެ ދުވަހަކު ފަލަސްތީނުގެ އަދި ހާއްސަކޮށް ގައްޒާއަށް އަމާޒުކޮށް އިޒްރޭލުން ދެމުންދާ ލާއިންސާނީ ހަމަލާތަކުގައި އެތައް ބަޔަކު ދަނީ ޝަހީދުވަމުންނެވެ. މީގެ ތެރޭގައި ގިނަ އަދަދެއްގެ އަންހެނުންނާ ކުޑަކުދިންވެސް ހިމެނެއެވެ.
?Kaakubunee huttaalaashey
Husfithuna? Kaakubunee huttaalaashey