ޖުމްހޫރީ ގެ ޕާޓީގެ ލީޑަރު ގާސިމް އިބްރާހިމަަށް ރިޔާސީ އިންތިހާބުގެ ޓިކެޓު ހަވާލުކުރުމުގެ ގޮތުން އެ ޕާޓީން ކާނިވާ ސަރަހައްދުގައި ބާއްވަން ހަމަ ޖެހިފައިވާ ޖަލްސާގައި މީހުން މަދުވުމުން ޖަލްސާ ފެށުން ލަސްވެއްޖެއެވެ.
މި ގޮތުން މުޅި ކާނިވާ ސަރަހައްދުގެ ހުސްތަނުގައި ޖަހާފައިވާ ގިނަ އަދަދެއްގެ ގޮނޑިތައް ނެގުމަށް ފަހު، ޖަލްސާ ފަށާފައިވަނީ 10:30 ގެ ފަހުންނެވެ.
ހީކުރި ގޮތާ ހިލާފަށް ގިނަ އަދަދެއްގެ ބަޔަކު އަންނާނެ ކަމަށް ބެލެވުނު ޖަލސާގައި 8:30 އިން ފެށިގެން 10:30 ހަމައަށްވެސް ހާޟިރުވެފައި ތިބީ ނިސްބަތުން މަދު ބައެކެވެ. މި ކަމުގެ ސަބަބުން ސޯސަލް މީޑިއާގައި ޖުމްހޫރީ ޕާޓީން މިކަމުގައި އިސްކޮށް އުޅުނު ފަރާތްތަކަށް ވަނީ ފާޑުކިއުން އަމާޒުވެފައެވެ.
ގާސިމްގެ ސްޕެސަލް އެންވޯއީ އިލްހާމް އަހުމަދު މީގެ ކުރިން ވިދާޅުވެފައިވަނީ މިއީ ރިޔާސީ ޓީކެޓެއް ހަވާލުކުރާނެ އެންމެ ބޮޑު އަދި އެންމެ ގިނަ މީހުން ބައިވެރިވާނެ ޖަލްސާ ކަމަށެވެ. ނަމަވެސް ޖަލްސާ ފެށިގެން އައި އިރު ގާސިމްގެ އަމިއްލަފުޅު ޓީވީ ސްޓޭޝަނުން ވެސް ލައިވް ކުރަމުންދިޔަ އިވެންޓުގައި ފެންނަމުން ދިޔައީ މަދު ބައެކެވެ. އޭގެ ފަހުން އެ ސަރަހައްދުގެ ފޮޓޯތައް ސޯސަލް މީޑިއާގައި ވައިރަލްވެ، ގިނަ ބައެއްގެ ފާޑުކިއުމަކަށްވީ ’ކޮންމެ ފަހަރަކުވެސް މި މީހުން (ޖޭޕީގައި އިސްކޮށް އުޅޭ ފަރާތްތައް) ހަދަނީ މިހެން‘ ކަމަށާއި އިހުލާސްތެރިކަމެއް ހުރި ނަމަ މި ވަރުގެ ލަދުވެތި ކަމެއް ލީޑަރުގެ އެންމެ މުހިއްމު ޖަލްސާގައި މެދުވެރިވާން ދޫކޮށްގެން ނުތިބީސް ކަމަށެވެ. ނުވަތަ އަންނާނެ ކަމަށް ލަފާ ކުރާ މީހުންނަށް ވާ ގޮތަށް ގޮނޑި ޖަހާ ސަރަހައްދު ތައްޔާރުކުރި ނަމަވެސް މި ފާޑުކިއުން ތަކެއް އަމާޒެއް ނުވާނެ ކަމަށެވެ.
They all are get most of Qasims wealth. Not to support hom. This is what as well as shown in the past for JP.