ރިޔާސީ އިންތިހާބުގައި ޕީއެންސީ ގެ ކެންޑީޑޭޓު އަދި މާލެ ސިޓީގެ މޭޔަރު ޑރ. މުއިއްޒުގެ ކެމްޕެއިނަށް ހަރުކުރި ބޯޑުތައް ނެގުމުގެ މަސައްކަތް ސޓީ ކައުންސިލުން ކުރަން ފަށައިފިއެވެ. މިއަދު 6 ގެ ފަހުން އެއްވެސް ކެމްޕޭނެއް ނުކުރެވޭ ގޮތަށް އިލެކްޝަން ގަވައިދު ބުނާތީއާއި އަދި ވޯޓުލާ ސަރަހައްދުތަކުގައި އެއްވެސް ކެންޑިޑޭޓެއްގެ ކެމްޕޭނު ޕޯސްޓަރެއް ނުވަތަ އެނޫންވެސް އެއްޗެއް ބެހެއްޓުން ހުއްދަ ނުވާތީވެ، ބައެއް ކެންޑީޑޭޓުންގެ ކެމްޕެއިން ބެނާ އާއި ޕޯސްޓަރުތައް ނެގުމުގެ މަސައްކަތް މިހާރު ވަނީ ފަށާފައެެވެ.
މި ފަހަރު އިންތިހާބުގައި ވާދަކުރާ އެހެން ކެންޑީޑޭޓުންގެ ސަޕޯޓަރުން އެކަމުގެ މަސައްކަތް ކުރަމުންދާއިރު ޕީއެންސީގެ ރިޔާސީ ކެންޑީޑޭޓު ޑރ. މުއިއްޒުގެ ފަރާތުން އެކަން ކުރަމުންދަނީ ސިޓީ ކައުންސިލުގެ ބިދޭސީ މުއައްޒަފުންނާއި ދިވެހި މުއައްޒަފުންނެވެ. މި ކަމުގައި ހަރަކާތްތެރިވަނީ ވެސް މާލެ ސިޓީކައުންސިލު ގެ ވެހިކަލްތަކެވެ.
މުއިއްޒުގެ ކެމްޕޭނު ބެނާ ދެމުމަށް މަޖީދީ މަގުގައި ހޮޅި ޖެހުމުގައިވެސް ހަރަކާތްތެރިވީ ސިޓީ ކައުންސިލުގެ މުއައްޒަފުންނާ އެ ތަނުގެ ވެހިކަލްތަކެވެ. މިކަމާ ބެހޭ ގޮތުން މީޑިއާއިން ސުވާލު ކުރުމުން މުއިއްޒު ވިދާޅުވެފައިވަނީ އެއީ އެގިގެން ވީ ކަމެއް ނޫން ކަމަށާއި ’ތި ވާހަކަ އަޑު މި އެހީ‘ ކަމަށެވެ. ނަމަވެސް އޭރުވެސް އާއްމު އެތައް ރައްޔިތުންގެ ކުރިމަތީގައި މަޖީދީ މަގާއި އެހެންވެސް ބޮޑެތި މަގުތަކުގެ ޕޭމަންޓު ފުނޑުފުނޑުކޮށް ދަގަނޑު ހޮޅި ޖަހައިގެން މުއިއްޒުގެ ކެމްޕޭނު ބެނާ ތަކާއި ދިދަދަތައް ދެމުމުގެ މަސައްކަތް ކުރަމުން ދިޔައެވެ.
މުއިއްޒުގެ ޖަވާބުގެ ސަބަބުން އާއްމު ރައްޔިތުންގެ ފާޑުކިއުން ވަރަށް ބޮޑަށް އަމާޒުވިއެވެ. ހާއްސަކޮށް އެއްވެސް ވަރަކަށް ޖެހިލުމެއް ނެތި އެވަރުގެ ދޮގެއް ހެދުމާއި އެކަން ނޭންގޭ ގޮތަށް ވަރަށް ފަރިތަކަމާއެކު ބުނުމުން، މުއިއްޒުގެ މިޒާޖުގައިވެސް މި ފަދަ އޮޅުވާލުން ހުރުން ހުންނަނީ ތޯ އާއި ވެރިކަމަށް ހޮވިއްޖެ ނަމަ ކަމެއް ގޯހުން ގޮއްސި ނަމަ ނޭންގެއޭ ބުނާތަން ވަރަށް ގިނައިން އަންނާނެކަން ވެސް ބައެއް އާއްމުންގެ ކަންބޮޑުވުމާ އެކު ސޯސަލް މީޑިއާގައި ހިއްސާކޮށްފައިވެއެވެ.
Muizzu veema ok vaane komme kameh hingiyas. Thee kadhuru faathuma ge dharivareh.
އޭ.ސީ.ސީ އަށް އަވަހަށް ހުށަހަޅާ