ބަންދުގައި ބަހައްޓައިގެން ކޯޓަށް ހާޒިރުކުރަން ބޭނުންވާ މީހެއް ހޯދުމަށް ފުލުހުން އިއުލާންކޮށްފިއެވެ.
ކްރިމިނަލް ކޯޓުން ފުލުހުންގެ މައްޗަށް ކޮށްފައިވާ އަމުރެއްގެ ދަށުން ހޯދަމުންދަނީ މާލެ، މއ.ނަސްރީނުވިލާ، އަހުމަދު އިމްރާން (46އ) އެވެ.
މޯލްޑިވްސް ޕޮލިސް ސަވިސްއިން މައުލޫމާތުދޭ ގޮތުގައި އަހުމަދު އިމްރާން ހޯދަމުންދަނީ ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާތީ އޭނާ ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެންނެވެ.
އަޙްމަދު އިމްރާންގެ މައްޗަށް ތުހުމަތު ކުރަނީ އެހެންމީހެއްގެ މުދަލެއްގެ މައްޗަށް ހުއްދަނޫންގޮތެއްގައި ބާރު ހިންގުމުގެ ކުށުގެ މައްސަލާގައެވެ.
އަޙްމަދު އިމްރާންއާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި މައުލޫމާތު ހިއްސާ ކޮށްދިނުމަށް ފުލުހުން އިލްތިމާސް ކުރެއެވެ.
