އެކި މައްސަލަތަކުގައި ފުލުހުންގެ ބެލުމުގެދަށަށް ގެނެސްފައިވާ ބައެއް ތަކެތީގެ ވެރިފަރާތް ހޯދުމުގެ މަސައްކަތް ފުލުހުން ފަށައިފިއެވެ.
މި ގޮތުން ފުލުހުން އާއްމުކޮށްފައިވާ ބަޔާނެއްގައި ބުނެފައިވަނީ، މި ތަކެއްޗަކީ ހޮވައިގެން ގެނެސް ފުލުހުންނާ ހަވާލުކޮށްފައިވާ ތަކެއްޗާއި، ތުހުމަތު ކުރެވިގެން ހުއްޓުވައި ސުވާލުކުރި ބައެއް މީހުންގެ އަތުން ފެނިފައިވާ ތަކެއްޗެވެ. އަދި އެ ތަކެތީގެ ވެރިފަރާތް އެ މީހުންނަށް ބުނެދެވިފައި ނުވާތީ އެ ތަކެތި ވަނީ ފުލުހުންގެ ބެލުމުގެ ދަށަށް ގެނެސްފައެވެ.
މި ގޮތުން ފުލުހުންގެ ބެލުމުގެ ދަށުގައި ހުރި ތަކެއްޗަކީ:
މާފަންނު ޕޮލިސް ސްޓޭޝަން
އެޕްރީލް 15 ވަނަ ދުވަހު ނޯތު ހާބަރުން އާންމު ފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ 400 ރުފިޔާ.
އެޕްރީލް 17 ވަނަ ދުވަހު މާވެޔޮމަގު، ފަތަހަ މޯލް ކައިރިން ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުން ފެނިފައިވާ ވަގަށް ނަގާފައިވާކަމަށް ބެލެވޭ މަކީޓާ ބްރޭންޑުގެ ބުރުމާއަކާއި ކަރަންޓު ނަރުރޯލުތަކެއް.
އެޕްރީލް 20 ވަނަ ދުވަހު ގުލްހަޒާރު ގޯޅިން އާންމު ފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ މުށިކުލައިގެ ވޮލެޓެއް.
ގަލޮޅު ޕޮލިސް ސްޓޭޝަން
އެޕްރީލް 19 ވަނަ ދުވަހު ހުޅުމާލެ ހައިވޭއިން އާންމު ފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ އައިޕެޑެއް.
އެޕްރީލް 21 ވަނަ ދުވަހު ދަރުމަވަންތަ ހިނގުމުން ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުންފެނިފައިވާ ވަގަށް ނަގާފައިވާކަމަށް ބެލެވޭ ވިލާ ގޭސްފުޅިއެއް.
އެޕްރީލް 23 ވަނަ ދުވަހު ބުރުޒުމަގުން ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުންފެނިފައިވާ ވަގަށް ނަގާފައިވާކަމަށް ބެލެވޭ ދަބަހެއް.
އެޕްރީލް 25 ވަނަ ދުވަހު ރަސްފަންނުން އާންމު ފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ ސެމްސަންގ ބްރޭންޑުގެ ކަޅުކުލައިގެ މޯބައިލް ފޯނެއް..
އެޕްރީލް 29 ވަނަ ދުވަހު ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުން ފެނިފައިވާ ވަގަށް ނަގާފައިވާކަމަށް ބެލެވޭ ހުއާވެއި ބްރޭންޑުގެ ޓެބްލެޓެއް.
މާރިޗު 4 ވަނަ ދުވަހު ބެންކް އޮފް މޯލްޑިވްސް ކައިރިން އާންމު ފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ 20 ރުފިޔާ.
މި ތަކެތީގެ ވެރި ފަރާތްތަކުން، ހަމަ ޖެހިފައިވާ އުސޫލާ އެއްގޮތަށް އެ ތަކެއްޗާއި ހަވާލުވުމަށް ޕޮލިހުން އިލްތިމާސް ކުރެއެވެ.
”ފުލުހުންގެ ބެލުމުގެ ދަށުގައި ހުރި 20 ރުފިޔާ އާއި އެހެނިހެން ތަކެތީގެ ވެރި ފަރާތް ހޯދަނީ“……..ބަލަ ބަހަވީ ހަމަތަކުން ލިޔަން ދަސްކޮށްބަލަ…ރުފިޔާ ހުރީ ކޮޅަށްތަ?