ސުލްހަވެރި ކަމާއި އަމާން ކަމާ އެކު ތަރައްގީގެ މަޝްރޫއުތައް ހިނގަމުން ދަނިކޮށް މި ސަރުކާރު ބަދަލު ކުރަން ޖެހޭ ސަބަބެއް ނުވިސްނޭ ކަމަށް ޕްރޮފެސަރ އުގައިލު ވިދާޅުވެއްޖެއެވެ.
އެމަނިކުފާނު ސޯސަލް މީޑިއާގައި ހިއްސާކުރައްވާފައިވާ މެސެޖުގައި ވިދާޅުވެފައިވަނީ ދިވެހި ރައްޔިތުންނަށާއި ގައުމަށް އެންމެ ފައިދާ ހުރި ގޮތަކީ ރައީސް އިބްރާހިމް މުހައްމަދު ސޯލިހަށް ދެވަނަ ދައުރެއް ދެއްވުން ކަމަށާއި ސަރުކާރު ބަދަލު ވެއްޖެ ނަމަ ފަށައިގެން ކުރިއަށްދާ މަޝްރޫއު ތައް ހުއްޓި ފިޔަވަޅުތަކެއް ފަހަތަށް އެޅޭނެ ކަމަށް ދެކެވަޑައިގަންނަވާ ކަމަށްވެސް އުގައިލު ވިދާޅުވިއެވެ. އެމަނިކުފާނު ވިދާޅުވީ ތަރައްގީގެ މަޝްރޫއުތައް ހުއްޓި ފަހަތަށް ފިޔަވަޅު އެޅެނީ ގަސްތުގައި ނޫން ކަމަށާއި އެއީ ތަބީއީ އާދައެއް ކަމަށެވެ. އެހެން ކަމުން އެމަނިކުފާނުވެސް ތާއިދު ކުރަނީ ނުހުއްޓި މި ހުރިހާ ކަމެއް ރައީސް އިބްރާހިމް މުހައްމަދު ސޯލިހާއެކު ދިއުމަށް ކަމަށެވެ.
އައްޑޫ ސިޓީއަށް ނިސްބަތްވާ މުޅި ދުނިޔެއަށް އިލްމީ ގޮތުން މަޝްހޫރު އުގައިލު މީގެ ކުރިންވެސް ވަނީ މި ސަރުކާރަށާއި ހާއްސަކޮށް ރައީސް އިބްރާހިމް މުހައްމަދު ސޯލިހު ގެނެެސްދެއްވާފައިވާ ސިޔާސީ އިޖުތިމާއީ އަމާން ކަމަށް ތައުރީފުކޮށް ވާހަދަ ދައްކަވާފައެވެ. ޕްރޮފެސަރ އުގައިލަކީ ދުނިޔެ ގަބޫލުކުރާ އެތައް ރިސާޗް ޕްރޮގްރާމެއް ހަދައި، ބައިނަލްއަގުވާމީ ޝަރަފުވެރި އެވޯޑްތަކެއް ހޯއްދަވާފައިވާ ދިވެހިން ފަހުރުވެރިވާ ފަދަ އިލުމުވެރިއެކެވެ.
“ ސުލްހަވެރި ކަމާއި އަމާން ކަމާ އެކު ތަރައްގީގެ މަޝްރޫއުތައް ހިނގަމުން ދަނިކޮށް މި ސަރުކާރު ބަދަލު ކުރަން ޖެހޭ ސަބަބެއް ނުވިސްނޭ“ . ޕްރޮފެސަރަކަށްވެފަ ތިމާއަށް ބައިއެޅީމަ ނުފެނަނީ. އަމާންކަމާއެކު މޝްރޫޢުތަށް ހިނގުމަށް ވުރެ އަހަރެމެންގެ ދީނާ މިނިވަންކަން އަހަރެމެން ބޭނުން. ރާއްޖެ ދޫކޮށް ގޮސް ޔޫރަޕްގަ ދިރިއުޅޭ ތިކަހަލަ މީހުނަކަށް ފައިސާއާ އަމިއްލަ އެދުމުގެ ކުރިމަތީ ދީނާ މިނިވަންކަމުގެ އަގެއް ނޯންނާނެ.
Saabas thedhuveri dhivehidharin thibeyneethiyahen