ރައްޔިތުން މަޖުލީހުގެ ޗީފް ބިއުރޯގެ މަގާމަށް އައްޔަން ކޮށްފައިވާ ކުރީގެ މެމްބަރު އަހުމަދު ނިހާން ގެ މައްޗަށް ޕްރޮސެކިއުޓާ ޖެނެރަލްގެ އޮފީހުން އުފުލައިފައިވާ ދައުވާތައް އަނބުރާ ގެންގޮސްފިއެވެ.
ނިހާން ވަނީ އޭނާގެ މައްޗަށް އުފުލި ދައުވާތަކުގެ މައްސަލައިގައި އެ ކަންކަން ރިވިއުކުރުމަށް މިދިޔަ އަހަރުގެ ފަހުކޮޅު ޕީޖީ އޮފީހުގައި އެދިވަޑައިގެންފައެވެ. އެއާއެކު ޕީޖީ އޮފީހުންވަނީ އެ ދައުވާތައް މުރާޖާކުރުމަށްފަހު މައްސަލަަ ކުރިއަށް ނުގެންދަން ނިންމައިފައެވެ.
ނިހާންގެ މައްޗަށް އުފުލީ ރިޝްވަތު ހިފުމުގެ ދެ ދައުވާއާއި، ރިޝްވަތު ލިބިގަތުމަށް އެދުމުގެ ދެ ދައުވާއެއްގެ އިތުރުން މަނީ ލޯންޑަރިންގެ ދައުވާއެކެވެ.
ޑީއާރުޕީ އަދި ޕީޕީއެމުގެ އިސް މަގާމުތަކެއް އަދާކުރެއްވި ނިހާން މިހާރު ސިޔާސީ ގޮތުން މަސައްކަތް ކުރަނީ ރައްޔިތުން މަޖުލީހުގެ މާމިގިލީ ދާއިރާގެ މެމްބަރު ގާސިމް އިބްރާހިމްގެ ޖުމްހޫރީ ޕާޓީގައެވެ.
