ރާއްޖޭގެ ސަރުކާރަކުން ފުރަތަމަ ފަހަރަށް އައްޑޫ ސިޓީ މީދޫގައި މިސްކިތެއް އެޅުމަށް ނިންމައިފިއެވެ.
މި ގޮތުން އައްޑޫ މީދޫގައި 700 މީހުންގެ ޖާގައިގެ މިސްކިތެއް އިމާރާތްކުރަން 14 މިލިއަން ރުފިޔާ އަށް މިއަދު ވަނީ ބަޔަކާ ހަވާލުކޮށްފައެވެ.
އެއް އަހަރު ދުވަހުގެ ތެރޭގައި ނިންމަން، މިސްކިތުގެ މަސައްކަތް ހަވާލުކުރި ނޫރައްދީން އިންވެސްޓްމަންޓުއެކު، އިސްލާމިކް މިނިސްޓްރީން ވަނީ މިއަދު އެއްބަސްވުމުގައި ސޮއިކޮށްފަ އެވެ.
އިސްލާމިކް މިނިސްޓްރީގައި ބޭއްވި ރަސްމިއްޔާތެއްގައި އެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. އަހުމަދު ޒާހިރެވެ. ނޫރައްދީން އިންވެސްޓްމަންޓުން ސޮއިކުރެއްވީ އެ ކުންފުނީގެ މެނޭޖަރު އަބްދުﷲ ސޯލިހެވެ.
