ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމް އެންމެ ފަހުން ކައިވެނި ބައްލަވައިގަތް ރާނިޔާ އަހުމަދު ވެސް ކެމްޕޭނު ހަރަކާތްތަކަށް ނުކުންނަވައިފިއެވެ.
އދ. މާމިނގިއްޔަށް ނިސްބަތްވާ ރާނިޔާ އިސްވެ ހުންނަވައިގެން އިއްޔެ ވަނީ އދ އަތޮޅުގައި ކެމްޕޭނު ހަރަކާތްތަށް ފަށާފައެވެ. ކެމްޕޭނުގައި އެ ރަށްރަށަށް ވަޑައިގަތް އާއްމުންނާ ބައްދަލުކޮށް ގާސިމަށް ތާއިދުކޮށްދެއްވުމަށް ދަނީ އެދެމުންނެވެ.
ގާސިމްގެ އަނބިކަނބަލެއް ކަމަށްވާ ޓްރާންސްޕޯޓު މިނިސްޓަރ ނަހުލާވެސް ވަނީ ކެމްޕޭނުގައި ގާސިމުގެ އަރިހުގައި އެކި ރަށްރަށަށް ދަތުރުކޮށް، ކެމްޕޭނުގެ އިސް ސަފުގައި އަންނަނީ ހަރަކާތްތެރިވަމުންނެވެ. މީގެ ކުރީގެ ކެމްޕޭނުތަކުގައި ގާސިމުގެ އަނބިއަނބި ކަނބަލުން އާއްމުކޮށް ނުފެނެއެވެ. އައިޝާ އާއި ރާނިޔާގެ އިތުރުން ދޮށްޓަށް ގާސިމުގެ އިތުރު ދެ އަނބިކަނބަލުން ތިއްބަވައެެވެ.
އުމުރުން 26 އަހަރުގެ ރާނިޔާ މިއީ ސިޔާސީ ހަރަކާތްތަކުގައި މަސައްކަތްކުރާ ފުރަތަމަ ފަހަރެވެ. މި ފަހަރުގެ އިންތިހާބު ކެމްޕޭނަށް ޖުމްހޫރީ ޕާޓީގެ މާމިނގިލި ޖަގަހަވެސް ހުޅުވައިދެއްވީ ރާނިޔާއެވެ.
އަނބިން ގިނަވީމަވެސް ރަނގަޅުތާ!!!