ބެންކު އޮފް މޯލްޑިވްސް ގެ އިންޓަނެޓު ބެންކިން އަށް މައްސަލަ ދިމާވެ ގިނަ ހިދުމަތްތަކަށް ބުރޫއަރައިފިއެވެ. މި ގޮތުން މޯބައިލް އެޕާއި އިންޓަނެޓު ބެންކިންގ ހިދުމަތް އެއްކޮށްވަނީ ހުއްޓިފައެވެ. އޭޓިއެމް ތަކުން ފައިސާ ނެގުމުގައި މައްސަލަތަކެއް އުޅޭއިރު ފިހާރަތަކުގެ ޕީއޯއެސް މެޝިނުން ފައިސާ ކެނޑުމުގެ މައްސަލަތަކެއްވެސް ވަނީ ދިމާވެފައެވެ.
މިއަދު ހެނދުނުން ފެށިގެން އިންޓަނެޓު ބެންކިން ހިދުމަތަށް ދިމާވި މައްސަލައާއި ބެހޭ ގޮތުން ބެންކު އޮފް މޯލްޑިވްސް އިން ބުނީ އެ މައްސަލަތައް ހައްލު ކުރުމުގެ މަސައްކަތް މިހާރުވެސް ކުރަމުން އަންނަ ކަމަށާއި ކަސްޓަމަރުން ކިބައިން މާފަށް އެދޭ ކަމަށެވެ. މި މައްސަލަތައް ހައްލުވާނެ އިރެއް އަދި މިއީ ކޮން ސަބަބަކާ ހުރެ ދިމާވި މައްސަލައެއް ކަމެއް ބެންކު އޮފް މޯލްޑިވްސްއިން ހާމައެއް ނުކުރެއެވެ. ރާއްޖޭގައި އެންމެ ގިނަ އަދަދެއްގެ މީހުން ބޭނުން ކުރަނީ ބެންކު އޮފް މޯލްޑިވްސް ހިދުމަތްތަކެވެ. ހާއްސަކޮށް އިންޓަނެޓު ބެންކިންއަކީ ގިނަ ބަޔަކު މިހާރު އެންމެ ބޮޑަށް ފައިސާގެ ކަންކަމުގައި ބަރޯސާވެފައިވާ ހިދުމަތެވެ.
