މާލޭގެ މުހިއްމު އާސާރުތަކެއް ބެލެހެއްޓުމާއި ސްޓެލްކޯއިން ހަވާލުވެއްޖެއެވެ. މި ގޮތުން ސްޓެލްކޯއިން ހަވާލުވީ މާލޭ ހުކުރު މިސްކިތާއި މިސްކިތުގެ ގޯތިތެރެ އާއި މުންނާރާއި މާލޭ މެދުޒިޔާރަތުގެ އިތުރުން ކަޅުވަކަރު މިސްކިތާއި މިސްކިތުގެ ގޯތިތެރޭގައި ކުރަން ހުރި އާބާތުރަފިލުވުމާއި މަރާމާތުކުރުމާއި ޒީނަތްތެރި ކުރުމުގެ މަސައްކަތްތަކެވެ.
މި ފަހުމުނާމާގައި ސަގާފީ ތަރިކަ ރައްކާތެރިކުރާ ޤައުމީ މަރުކަޒުގެ ފަރާތުން ފަހުމުނާމާގައި ސޮއިކުރެއްވީ ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމްއެވެ. ސްޓެލްކޯގެ ފަރާތުން ސޮއިކުރެއްވީ ކުންފުނީގެ މެނޭޖިންގ ޑިރެކްޓަރ ޙުސައިން ފަހުމީއެވެ.
5 އަހަރުދުވަހުގެ މުއްދަތަށް،ދެ ފަރާތުން ގުޅިގެން މަސައްކަތް ކުރުމަށް ސޮއިކުރެވުނު ބައްދަލުވުމުގައި ސްޓެލްކޯގެ މެނޭޖިން ޑިރެކްޓަރ ފަހުމީ ވިދާޅުވީ ކުރިންވެސް މި ތަންތަނުގެ އާބާތުރަ ފިލިުވައި މަރާތުގެ މަސައްކަތަށް ދިޔައީ ތައްޔާރުވަމުން ކަމަށާއި މޫސުން ތަން ނުދިނުމުން ކުޑަކޮށް ލަސްވީ ކަމަށެވެ. އަދި ބައެއް މަސައްކަތްތަތަކީ ޓެކްނިކަލީ މިނިސްޓްރީއާއި ގުޅިގެން ކުރަން ޖެހޭ މަސައްކަތްތައް ކަމަށެވެ.
މީގެ ކުރިންވެސް ސްޓެލްކޯއިން މާލޭގެ މުހިއްމު އާސާރުތަކުގެ މަރާމާތުގެ މަސައްކަތް ދިޔައީ ކުރަމުންނެވެ.
