ސަރުކާރުގެ ބޯހިޔާވަހި ކަމުގެ ސިޔާސަތުގެ ދަށުން މާލެ ސަރަހައްދުން ފްލެޓް ދޫކުރުމަށްޓަކައި ހިންގާ ގެދޮރުވެރިޔާ ސްކީމުގެ ދަށުން މާލެ ސަރަހައްދުން ފްލެޓަށް އެދި ހުށައަޅާފައިވާ ފަރާތްތަކުގެ ދާއިމީ ލިސްޓު އާއްމުކޮށްފިއެވެ. މިނިސްޓްރީ އޮފް ނެޝަނަލް ޕްލޭނިން، ހައުސިންގ އެންޑް އިންފްރާސްޓްރަކްޗަރއިން މައުލޫމާތުދޭ ގޮތުގައި 3 ކޮޓަރީގެ ފްލެޓުގެ ދާއިމީ ލިސްޓުގައި ހިމެނޭ ފަރާތްތަކުގެ ތެރޭގައި ހިމެނެނީ 76 އިން ފެށިގެން މަތިން މާކްސް ލިބިފައިވާ ފަރާތްތަކެވެ. އަދި 2 ކޮޓަރީގެ ފްލެޓް ގެ ދާއިމީ ލިސްޓުގައި ހިމެނޭ ފަރާތްތަކުގެ ތެރެއިން ފަހި ދިރިއުޅުން ކޯޕަރޭޝަނުންމިހާރު އިމާރާތް ކުރަމުންދާ 4000 ފްލެޓު ލިބޭ ފަރާތްތަކުގެ ތެރޭގައި ހިމެނެނީ 73 އިން ފެށިގެން މަތިން މާކްސް ލިބޭ ފަރާތްތަކެވެ.
4000 ފްލެޓު ގެ ތެރެއިން ފްލެޓު ލިބުމަށް ހޮވިފައިވާ ފަރާތްތަކަށްއެ ފަރާތަކަށް ލިބޭ ފްލެޓު ކަނޑައެޅުމަށްޓަކައި ގުރުއަތުލުމަށް ހާޟިރުވާނެ ދުވަހަކާއި ގަޑިއެއް ޕޯޓަލް މެދުވެރިކޮށް އިންގާނެ ކަމަށްވެސް މިނިސްޓްރީން ބުނެފައިވެއެވެ.
4000 ފްލެޓު ލިބޭ ފަރާތްތަކުގެ ތެރޭގައި ނުހިމެނޭ، ނަމަވެސް ޝަރުތު ހަމަވާކަމަށް ދާއިމީ ލިސްޓުގައު ކަނޑައަޅާފައިވާ ފަރާތްތަކަށް، ސަރުކާރުން ކުރިއަށް ގެންދިއުމަށް ހަމަޖެހިފައިވާ ހައުސިންގ މަޝްރޫއުތަކުގެ ތެރެއިން ފްލެޓެއް ދިނުމަށް ހަމަޖެހިފައިވާ ކަމުގެ ލިޔުން ޕޯޓަލް މެދުވެރިކޮށް ދިނުމަށްވެސް ވަނީ ހަމަޖެހިފައެވެ. ދެމަފިރިން ވަކިން ހުށައަޅައިގެން ފްލެޓް ލިބުމަށް ހޮވިފައިވާ ނަމަ ފްލެޓް ދިނުމަށް ހަމަޖެހިފައިވަނީ ދެމަފިރިންނަށް 1 ފްލެޓް ނުވަތަ ދެމަފިރިންގެ ތެރެއިން ކަނޑައަޅާ އެކަކަށް 1 ފްލެޓެވެ.
ދާއިމީ ލިސްޓު:
