އައްޑޫ ޗާޓަށް އަލަށް އިތުރުވި ތިން ރަށަށް ނަން ކިޔައިފިއެވެ. ޓުއަރިޒަމް ގެ ބޭނުންތަކަށް މި ސަރުކާރުން އަލަށް ހިއްކި ތިން ރަަށަށް ނަން ކިޔާފައިވަނީ އާއްމުކޮށް ހުޅުވާލުމުން އެކަމަށް އާއްމުން ހުށައެޅި ނަންތަކުގެ ތެރެއިންނެވެ. އާއްމުން ހުށައެޅި 60 އަށް ވުރެ ގިނަ ނަމުގެ ތެރެއިން ތިން ނަން ފާސްކުރަން ބޭއްވި ކައުންސިލު ބައްދަލުވުމުގައި، އެ ތިން ނަން ފާސްވީ ކައުންސިލު ހުރިހާ މެމްބަރުންގެ އިއްތިފާގުންނެވެ.
އައްޑޫ މޭޔަރ ނިޒާރު ވިދާޅުވެފައިވަނީ ވީހާވެސް އަވަހަށް މި ރަށްތަކުގެ ނަންތައް ފާސްކޮށް ޓުއަރިޒަމަށް ހުޅުވާލަން ކުރިންވެސް ވާނީ ނިންމާފައި ކަމަށާއި ކުރިއަށް އޮތް މަދު ދުވަސްކޮޅެއްގެ ތެރޭގައި ޓުއަރިޒަމް ގެ ބޭނުން ތަކަށް ހުޅުވާލާނެ ކަމަށެވެ. މި ރަށްތަކުގެ ސަބަބުން އައްޑޫ އިގްތިސާދަށް ހީނުކުރާ ވަރުގެ ކުރިއެރުމެއް ލިބިގެންދާނެ ކަމަށްވެސް މޭޔަރު ވިދާޅުވިއެވެ.
ރިސޯޓު ހަދާ 3 ރަށަށް ދިން ނަން:
. މީދޫ ފަޅުތެރެއިން ހިއްކި ރަށް: ދޮންހެރަ ފެންނަ
. ހިތަދޫ، އައިލެންޑް ތިނެއް: ބޮލިހެރަ
. ހިތަދޫ، އުތުރުގައި ފަޅުގައި ހިއްކި ރަށަށް: ދޮންދީނި ހެރަ
