ރައީސް ޔާމީނުގެ ވެރިކަމުގައި ކޯނީ ރިޕޯޓު ގެއްލުވާލައިފިކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
އެމަނިކުފާނު ރިޔާސީ ކެމްޕޭނުގެ ދަތުރުގައި ހދ. ނޭކުރެންދޫގައި ވާހަކަދައްކަވަމުން ވިދާޅުވީ ”ތިބޭފުޅުން ކޯނީ ރިޕޯޓު އޮތްތޯ ބައްލަވާ، އެ ވީތަނެއް މިހާރު ނޭންގޭ. އެ ހޯދަން މިހާރުވާނީ ފުލުހުންނާ ހަވާލުކޮށްފައި، އަޅުގަނޑުމެން ފުލުސް އޮފޯހާ ހަވާލުކޮށްގެން ބަލަމުން މި ގެންދަނީ“
ރައީސް ވިދާޅުވި ގޮތުގައި ގައުމީ ސަލާމަތުގެ ސިއްރު ގޮތުގައި ހިމެނޭ ކަންކަން ކުރީ ސަރުކާރުން ވަރަށް ބޮޑަށް އިހުމާލުވެފައިވާ ކަމަށާއި އެ ދުވަސްވަރު ޖުޑީޝަރީއަށްވެސް މިނިވަންކަން ނެތް ކަމަށެވެ. އެހެން ކަމުން ވޯޓު ދޭއިރު ދެ ސަރުކާރުން ކަންކަން ކޮށްފައިވާ ގޮތެއް ބެލުމަށް ފަހު ވޯޓު ދިނުމަށް ރައްޔިތުންނަށް އިލްތިމާސް ކުރެއްވިއެވެ.
ކޯނީ ރިޕޯޓަކީ 7 ފެބްރުއަރީ 2012 ގައި ހިނގައިދިޔަ ކަންތައްތަކަކާ ގުޅިގެން އޭރުގެ ރައީސުލްޖުމްހޫރިއްޔާ މުހައްމަދު ނަޝީދުގެ ވެރިކަން ބަދަލުވި ގޮތް ބެލުމަށް އެކުލަވާލި ކޮމިޝަން އޮފް ނޭޝަނަލް އިންކުއަރީ (ކޯނީ) އިން ތައްޔާރުކޮށް ނެރުނު ރިޕޯޓެކެވެ. މި ރިޕޯޓުގައި އެތައް ބައެއްގެ ބަޔާނާއި ވެރިކަން ވައްޓާލުމަށް އޭރު ހިނގާދިޔަ ކަންތައްތަކުގެ ވީޑިއޯ އޯޑިއޯ ބަޔާންތައް އެކުލެވޭ ވަރަށް ގިނަ ހެކިތަކެއްވެސް ހިމެނޭ ރިޕޯޓެކެވެ.
ރައީސް ޔާމީނުގެ ވެރިކަމުގެ ފަހު ދުވަސްކޮޅުގައި ކޯނީ ރިޕޯޓު ނައްތާލައިފާ ކަމަށް ވާހަކަ ދެކެވުނު ނަމަވެސް އެކަމާ އޭރުގެ ސަރުކާރުން އެއްޗެއް ބުނެފައިނުވެއެވެ. އެ ދުވަސްވަރު ތުހުމަތު ކުރި ގޮތަށް މިއީ ހަގީގަތެއްކަން ރައީސް އިބްރާހިމް މުހައްމަދު ސޯލިހު ވަނީ ކަށަވަރު ކޮށްދެއްވާފައެވެ.
މިޒަމާނުގައި މީހަކުދައްކާ ކޮންމެ ވާހަކައެއް މީހުން ޤަބޫލެއް ނުކުރާނެ. ކޯނީރިޕޯޓް އަކީ ބަޔަކު ގެއްލުވާލަން އުޅުނަސް ގެއްލޭވަރުގެ އެއްޗެއް ކަމަށް ޤަބޫލެއް ނުކުރެވޭ. އެ އޮންނާނެ އެތައްބައެއްގެ އަތުގައި.
ފަސްއަހަރު ފަހުން ރިޕޯޓުގެއްލުނުކަމަން ކަމަކަންފަހު ކަމެއް އެއްކަމެއްވެސްދިމާނުވެ .މަކަރުވެރި ޔަހޫދީވިޔަސް ފުކެއްބޮޑު ތިމާގެންގާ ިލުކަން ެސް.ޔާމީނުބޮލައް
ކުރީ ސަރުކާރު! ކުރީ ސަރުކާރު! ކުރީ ސަރުކާރު! އަނގައިގައި ހިތިރަހަ ނުލައިބާ! ވެރިކަމަށް އިސްކުރީ ތިހެން ކިޔާލަ ކިޔާލައި ހުންނާކަށް ނޫން. ނުވަންޏާ އިސްތިޢުފާ ދީފަ ގެއަށް ދާށެވެ. ވެރިކަން ކުރެވޭފަދަ ޤާބިލު މީހަކާ އަހަރެމެން ވެރިކަން ހަވާލު ކުރާނަން.