ވަރަށް ފުޅާ ދާއިރާއެއްގައި ހަށި ވިއްކަމުންދާ ކަމަށް ބެލެވޭ ބިދޭސީ ދެ އަންހެނަކު އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.
އިމިގްރޭޝަނުން މައުލޫމާތުދޭ ގޮތުގައި އެ ދެ މީހުން ހައްޔަރުކުރީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ރޭ އިމިގްރޭޝަންގެ ޓާސްކްފޯސްއިން ހިންގި ހާއްސަ އޮޕަރޭޝަނެއްގަ އެވެ.
ފުޅާ ދާއިރާއެއްގައި ހަށި ވިއްކާ ކަމުގެ ތުހުމަތުގައި އިމިގްރޭޝަނުން ބުނީ ބެލުމުގެ ދަށަށް ގެންދިޔައީ ވިއެޓްނާމަށް ނިސްބަތްވާ ދެ އަންހެނުންނެވެ.
ރާއްޖޭގައި ގަވައިދާ ހިލާފަށް އުޅޭ، ވިޔަފާރިކުރާ އަދި ގާނޫނާ ހިލާފު ކަންކަން ކުރާ ބިދޭސީން ދެނެގަނެ، އެ ބިދޭސީން ފޮނުވާލުމުގެ މަސައްކަތް ފުލުހުންނާއި އިމިގްރޭޝަން އަންނަނީ ކުރަމުންނެވެ.
މި މީހުންނާ ބެހޭ އިތުރު މައުލޫމާތެއް ފުލުހުންވެސް އަދި އިމިގްރޭޝަނުންވެސް މިހާތަނަށް ހާމަކޮށްފައި ނުވެއެވެ.
