އިމިގްރޭޝަނާއި ފުލުހުން ހިންގި އޮޕަރޭޝަނެއްގައި ކަޅު ބާޒާރުގައި ޑޮލަރު ވިއްކަމުންދިޔަ 2 ބިދޭސީއެއް ހައްޔަރުކޮށްފިއެވެ.
މި މީހުން ހަރަކާތްތެރިވަމުން ދިޔައީ ބޭންކް އޮފް މޯލްޑިވްސްގެ ޑޮލަރު އޭޓީއެމް ކައިރީގައެވެ.
އިމިގްރޭޝަނުން ސޯޝަލް މީޑިއާގައި ކުރި ޕޯސްޓެއްގައި ބުނީ، މާލޭގައި ހުންނަ ޑޮލަރު އޭޓީއެމް ކައިރީގައި ބޭރު ފައިސާ ބަދަލުކުރުމުގެ ހަރަކާތުގައި ގަވައިދާ ހިލާފަށް އުޅުނު ދެ ބިދޭސީއަކު ރޭގެ ހާއްސަ އޮޕަރޭޝަންގައި ބަންދުކޮށް، އެކަން އިތުރަށް ބަލަމުން އަންނަ ކަމަށެވެ.
މި މައްސަލާގައޮ ހައްޔަރު ކޮށްފައިވަނީ ބަންގްލަދޭޝްގެ ދެ ފިރިހެނުންނެވެ.
ކަޅު ބާޒާރުގައި ޑޮލަރު ގަނެ ވިއްކާ މީހުން، ކޮންމެ ދުވަހަކުވެސް ބެންކު އޮފް މޯލްޑިވްސް އޭޓީއެމް ސަރަހައްދުގައި ހަރަކާތްތެރިވެއެވެ.
