ކޭޕާކު ރެސިޑެންޓްސް ފްލެޓުތަކުގެ ހިޔާނާތުގެ މައްސަލާގައި ޕާސްޕޯޓު ހިފަހައްޓާފައިވާ ހަސަން މަމްދޫހު (މަންޑޭ) ގެ ޕާސްޕޯޓު ދޫކުރަން އަމުރުކޮށްފިއެވެ. މަގުބޫލު އުޒުރެއް މެދުވެރިވެގެން ބޭރަށް ފުރުމުގެ ހުއްދައަށް އެދި މަންޑޭ ހުށައެޅި މައްސަލާގައި ކޯޓުން ވަނީ މަންޑޭއަށް އެ ހުއްދަދީ ޕާސްޕޯޓު ދޫކުރުމަަށް އަމުރުކޮށްފައެވެ.
މަމްދޫހުގެ ޕާސްޕޯޓު ހިފަހައްޓާފައިވަނީ ”ކޭ ޕާކް ރެޒިޑެންސް“ ފްލެޓްތަކުގެ މަޝްރޫއު ކުރިއަށް ގެންދާ ހަންބޯ ކޮމްޕެނީ ޕްރައިވެޓް ލިމިޓެޑުގެ މައި ހިއްސާދާރު އަދި ޗައިނާގެ ވިޔަފާރިވެރިއެއް ކަމަށްވާ ޖިން ޝިހޫ ފުލުހުންނަށް ހުށަހެޅީ މައްސަލަ ތަހުގީގުކުރާތީ މިދިޔަ މެއި މަހުގެ ފުރަތަމަ ހަފްތާގެ ތެރޭގަ އެވެ.
ކްރިމިނަލް ކޯޓުން މަމްދޫހުގެ ޕާސްޕޯޓް ދޫކޮށްލުމށް މިއަދު އަމުރުކުރީ ޒަރޫރީ ބޭނުމެއްގައި އޭނާ ރާއްޖެއިން ބޭރަށް ދާން ޖެހުމާ ގުޅިގެން ކުރީގެ އަމުރު މުރާޖައާ ކުރުމަށްފަހު 45 ދުވަސް ތެރޭގައި އެނބުރި ރާއްޖެ އައުމަށް ޝަރުތުކުރުމަށްފަހު އެވެ.
ކްރިމިނަލް ކޯޓުގެ މި އަމުރު ހައިކޯޓުގައި އިސްތިއުނާފް ކުރާނެ ކަމަށް ފުލުހުންގެ އިދާރާއިން އަދި ޕްރޮސެކިއުޓާ ޖެނަރަލްގެ އޮފީހުން ބުނެފައިވެ އެވެ.
ހަމްބޯ ކުންފުނީގެ މައި ހިއްސާދާރު ޖިން ޝިހޫ ތުހުމަތު ކުރާ ގޮތުގައި މަންޑޭގެ ވަނީ ކުންފުންޏަށް ވަރަށް ބޮޑަށް ހިޔާނާތްވެފައެވެ.
