ޖުޑީޝަލް ސަވިސް ކޮމިޝަނަށް އަލަށް އައްޔަން ކުރެވުނު ދެ މެމްބަރުންގެ ހުވާ ކުރައްވައިފިއެވެ.
އެ ކޮމިޝަން އެކުލަވާލާފައިވާ ގޮތުން ރައްޔިތުންގެ މަޖުލީހުގެ ރައީސް ގެ ހައިސިއްޔަތުން ޖޭއެސްސީއަށް އައްޔަން ކުރެއްވީ އަބްދުއްރަހީމް އަބްދުﷲ އެވެ. މަޖުލީހުގެ މެމްބަރެއްގެ ހައިސިއްޔަތުން ޖޭއެސްސީއަށް އައްޔަން ކުރެއްވީ މާފުށީ ދާއިރާގެ މެމްބަރު ހުސެއިން ރިޒާއެވެ.
ރައީސް އޮފީހުގައި މިއަދު ބޭއްވި ރަސްމިއްޔާތުގައި މި ދެ ބޭފުޅުންނަށް ޖުޑީޝަލް ސަރވިސް ކޮމިޝަނުގެ މެންބަރުކަމުގެ ހުވާލައިދެއްވީ ސުޕްރީމް ކޯޓްގެ ފަނޑިޔާރު އޮނަރަބަލް ޑޮކްޓަރ މުޙައްމަދު އިބްރާހީމެވެ. މި ރަސްމިއްޔާތުގައި ޖުޑީޝަލް ސަވިސް ކޮމިޝަންގެ މެންބަރު ކަމަށް ޢައްޔަން ކުރެއްވި ކަމުގެ ލިޔުން، މި ދެބޭފުޅުންނަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ އަރުވާފައެވެ.
