ނ.ފޮއްދޫގެ ބަނދަރުގެ މަސައްކަތް އެމްޓީސީސީ އާއި ހަވާލުކޮށްފިއެވެ. މި ސަރުކާރުން ކުޑަ ރަށެއް ބޮޑު ރަށެއް ނުބަލާ ކުރިއަށް ގެންދާ ތަރައްގީގެ މަޝްރޫއުގެ ދަށުން ނ.ފޮއްދޫ ބަނދަރުގެ މަސައްކަތް އެމްޓީސީސީއާއި ހަވާލުކުރީ 390 ދުވަސް ތެރޭ ނިންމަން ޖެހޭ ގޮތަށެވެ. ނ.އަތޮޅުގެ އެންމެ އާބާދީ މަދު ރަށުގެ ބަނދަރުގެ މަސައްކަތަށް ސަރުކާރުން 53 މިލިއަން ރުފިޔާއަށްވުރެ ބޮޑު ބަޖެޓެއް ވަނީ ހަމަޖައްސާފައެވެ.
ލޯކަލް ޓުއަރިޒަމް ފުޅާވަމުން އަންނަ ފޮއްދޫގައި މީގެ ކުރިން އަޅާފައިވަނީ ހަމައެކަނި ލަފާ ފުރުމަށް ބޭނުން ކުރެވޭ ފާލަމެކެވެ. ކުރީ ސަރުކާރުން އެޅި އެ ފާލަމަކީ މީގެ ކުރިން ރައްޔިތުނާއި ރަށުގެ ވެރިން އަދި ހެޔޮ އެދޭ ފަރާތްތަކުގެ އެހީތެރިކަމާ އެކު އަޅާފައިއޮތް ފާލަމު ގެ ބަދަލުގައި އެޅި އެ ވަރުގެ ފާލަމެކެވެ.
މި ނޫހަށް މައުލޫމާތު ދެމުން ފޮއްދޫ ރައްޔިތަކު ވިދާޅުވީ ކުރީ ސަރުކާރުން އެ ފާލަމުން ހަމައެކަނި މީހުން އަރާ ފޭބުމަށް ބޭނުން ކުރެވޭތީ ރަށުގައި އުޅަނދު ފަހަރު ގެންގުޅޭ ފަރާތްތަކަށް ވަނީ ވަރަށް ބޮޑު ތަކުލީފަކަށްވެފައެވެ. ހާއްސަކޮށް އިރުވައި މޫސުމުގައި އެ ފާލަމުގެ ބޭނުން ނުކުރެވޭތީ މުދަލާ މީހުން ބޭލުމުގައި ވަރަށް ބޮޑެތި ދަތިތަކެއް މިހާރުވެސް ދަނީ ތަހައްމަލު ކުރަމުން ކަމަށާއި ކުރިން އެޅި ފާލަމުން ރަށަށް ވަރަށް ބޮޑަށް ގެއްލުންވެ ދައުލަތުން ވެސް ބޭކާރު އިސްރާފެއް ކުރުވާފައިވާ ކަމަށެވެ. މި ގޮތުން ލަފާ ފުރުމުގެ ހައްލެއް ކަމަށް ބުނެ ރައްޔިތުންނަށް ދެއްކި ކުރެހުމާއި އެކަމަށް ހޭދަކުރި ފައިސާއާއި ނުބައްދަލު، ފެންވަރުދަށް ފާލަމެއްގެ ސަބަބުން އަލުން ބަނދަރެއް ހޯދުމަށް ވަރަށް ބުރަ މަސައްކަތްތަކެއް ދާއިރާގެ މެމްބަރާއި މި ސަރުކާރަށް ތާއިދުކުރާ ރަށު ރައްޔިތުން ކުރަން ޖެހުނު ކަމަށެވެ.
ރައީސް ޔާމިނުގެ ސަރުކާރުން އެޅި ފާލަން ރަށުން ވަކިވެ، މުޅި ގޮނޑުދޮށް ގިރާލުމުން މި ސަރުކާރުން ވަނީ އެ ސަރަހައްދުގެ ގޮނޑުދޮށް ހިމާޔަތްކޮށް، އަލުން އެ ފާލަން ރަށާ ގުޅުވާލާފައެވެ.
އިންތިޚާބަށް އިޢުލާން ކުރާ ޖިސާބުން އެއިރެއްގައި ވެރިކަމެއްގައި ތިބޭބަޔަކަށް ޕްރޮޖެކްޓްތައް ފެއްޓުން ހުއްޓާލަން ޖެހޭ ގަނޫނެއް ވުޖޫދު ވާން އެބަޖެހޭ އެހެން ނޫނީ ދެފުއް ފެންނަ އިންސާފު ވެރި އިންތިޚާބަކަށް އެއިރެއްގެ އިންތިޚާބެއް ނުވާނެ