އަންނަ ރިޔާސީ އިންތިހާބުގައި ރައީސް އިބްރާހިމް މުހައްމަދު ސޯލިހަށް ތާއީދުކުރަން ނިންމާ، ފިލްމީތަރި އަހުމަދު އަޒްމީލް (އަޒޭ) ވެސް ޖުމްހޫރީ ޕާޓީން ވަކިވެއްޖެ އެވެ.
ހެރިޓޭޖް މިނިސްޓްރީގެ އެގްޒެކްޓިވް ޑިރެކްޓަރުގެ މަގާމުގައި ހުރި، އަޒޭ ކުރި ޓްވިޓެއްގައި ބުނެފައިވަނީ، 2023 ގެ ރިޔާސީ އިންތިހާބުގައި ރައީސް ސޯލިހަށް ތާއީދު ކުރަން ހިތުގެ އަޑިން އުފަލާއެކު ނިންމާފައިވާ ކަމަށެވެ.
އަދި އެކަން އިއުލާނުކުރުމާއެކު ޖުމްހޫރީ ޕާޓީން ވަކިވާ ވާހަކަވެސް އަޒޭވަނީ އިއުލާނުކޮށްފައެވެ. އަޒޭ އަކީ ޖުމްހޫރީ ޕާޓީގައި ގިނަ ދުވަސްވީ މެމްބަރެކެވެ. ނަމަވެސް މި ދުވަސްކޮޅު ޖޭޮޕީގައި ގިނަ ދުވަހު ހިދުމަތްކޮށްދީފައިވާ މެމްބަރުންގެ ހިތްހަމަ ނުޖެހުމަކީ އެ ޕާޓީއާއި އަލަށް ގުޅުނު ކުރިން ޕީޕީއެމުގައި މަސައްކަތްކުރި ބަޔަކު ގެ ނުފޫޒު ގަދަވުމާއި، އެމްޑިޕީގެ ފިކުރެއް ދިރުމުގައި މަސައްކަތްކުރާ ނަޝީދު ފެކްޝަނުގެ މީހުން އެ ޕާޓީވެސް ބައިބައިކޮށްލަން މަސައްކަތްކުރަމުންދާތީއެވެ. މި ހިތްހަމަ ނުޖެހުމާއެކު ޖެޕީން އަންނަނީ މެމްބަރުން ވަކިވެ، ކުރިއަށް އޮތް ރިޔާސީ އިންތިހާބުގައި ރައީސްއަށް ތާއިދުކުރާކަން ހާމަކުރަމުންނެވެ.
