އެމްޑީޕީގެ ކުރީގެ ރައީސް މުހައްމަދު ނަޝީދު (އައްނި) އެމްޑީޕީއަށް އަލުން އެނބުރި އަންނަން ބޭނުންވާ ކަމަށާއި އެކަމާ ބެހޭ ގޮތުން އެމްޑީޕީގެ ޗެއާޕާސަން ފައްޔާޒް އިސްމާއީލަށް ފޮނުއްވި މެސެޖެއްގައި ވިދާޅުވީ އެމަނިކުފާނު އަލުން ޕާޓީއާ ގުޅިވަޑައިގަންނަވަން ބޭނުންފުޅުވަނީ އެމްޑީޕީގެ ގައުމީ މަޖިލީހުގެ 50 ޕަސެންޓް ތާއީދު އޮތް ކަމަށް ވާނަމައެވެ. މި މެސެޖު ވަނީ އެމްޑީޕީގެ ގައުމީ މަޖުލީހުގެ މެމްބަރުންނާ ހިއްސާ ކުރައްވާފައެވެ.
ނަޝީދުގެ މި މެސެޖަށް އެމްޑީޕީގެ ގިނަ މެމްބަރުންދަނީ ފާޅުގައި ދެކޮޅު ހަދަމުންނެވެ. ގިނަ މެމްބަރުންގެ ވިސްނުން ހުރީ އެމްޑީޕީއަށް ދެން ނަޝިދު ބޭނުން ނުވާކަން ދޭހަވާގޮތަށެވެ. ދެވަނަ ބުރުގައި ރައީސް ސޯލިހަށާއި އެމްޑީޕީއަށް ތާއިދު ކުރެއްވުމަށް ތަކުރާރުކޮށް އާދޭސް ކުރުމުންވެސް ޑިމޮކްރެޓްސްގެ ވެރިންނާއި އެކްޓިވިސްޓުން ތާއިދު ކުރަމުންދިޔައީ ވާދަވެރި ކެންޑީޑޭޓް ޑރ. މުއިއްޒަށެވެ. އެމްޑީޕީގެ މެމްބަރުންގެ ބަހުން ނަމަ އެމްޑިޕީއަށް ލޯތްބެއް ކުލުނެއް ޒަމާނެއްގައި އޮތް ނަމަވެސް އެކަން ނުކުރާނެހާ ދަށު ދަރަޖައިގަ ފާޑުކިޔަމުންދިޔައެވެ. އެމްޑީޕީ މެމްބަރުން ގަބޫލުކުރަނީ އިންތިހާބުން ބަލިވެ އަލުން ’މަގުމަތިކޮށްލީ‘ ނަޝީދުގެ އެ ވާހަކަތަކުގެ ސަބަބުން ކަމަށެވެ. ސޯސަލް މީޑިއާގައިި އަދި އެމްޑީޕީގެ އެކިއެކި ކެމްޕޭނު ގުރޫޕުތަކުގައިވެސް މައިގަނޑު ވިސްނުމަކަށް ވާހަކަ ދައްކަމުން ދިޔައީ ނަޝިދަށް ނޫނެކޭ ބުނެ، މާ ލަސްވެއްޖެ ކަމުގެ ޝުއޫރުތަކެވެ.
