އެމްޑީޕީ މާލެ ދާއިރާގެ ރައީސް ކަމަށް އާދަމް އާޒިމް ކުރިމަތިލުމަށް ނިންމަވައިފިއެވެ.
މާލެ ސިޓީގެ މޭޔަރު އާދަމް އާޒިމް މިއަދު އެކްސްގައި ކުރެއްވި މެސެޖެއްގައި ވިދާޅުވީ ”ފާރަވެރި ، އެކުވެރި ބަދަހި ސަފުތަކެށް ރާވާ ހިންގުމުގެ އަޒުމާއެކު، ތަރުތީބު ކުރުމުގެ ގާބިލުކަން ހުރީތީވެ ، ހިތާ ރޫހުން ވާނެކަން ގަބޫލު ކުރެވޭތީ އެމް.ޑީ.ޕީ ގައުމީ މަޖްލީހުގެ މާލޭ ދާއިރާގެ ރައީސްކަމަށް ތިހުރިހާ ބޭފުޅުންގެ ބައިވެރިވުމާއިއެކު ކުރިމަތިލުމަށް ނިންމައިފީ“މެވެ. ރައީސް އިބްރާހިމް މުހައްމަދު ސޯލިހުގެ ވެރިކަމުގައި އެމްޓީސީސީގެ މެނޭޖިން ޑިރެކްޓަރުގެ މަގާމު އަދާކުރެއްވި އާޒިމް ވަނީ ކާމިޔާބު މަސައްކަތްތަކެއް އެމްޓީސީސީގައި ކުރައްވާފައެވެ.
އެމްޑީޕީ މާލެ ދާއިރާގެ ރައީސްގެ މަގާމުގައި ކުރިން އާދާކުރީ ކުރީގެ މޭޔަރު ޝިފާ މުހައްމަދެވެ. ރައީސް ނަޝީދުގެ އަރިސް ބޭފުޅެއް ކަމަށްވާ ޝިފާ މިހާރު މަސައްކަތްކުރަނީ ނަޝީދުފެ ޑިމޮކްރެޓްސް ޕާޓީގައެވެ. ރިޔާސީ އިންތިހާބުގައިވެސް ޝިފާ ވަނީ އެމްޑީޕީގެ ރިޔާސީ ކެންޑިޑޭޓު އިބްރާހިމް މުހައްމަދު ސޯލިހާއި ދެކޮޅަށް މަސައްކަތްކޮށްފައެވެ އަދި އިންތިހާބުގެ ދެވަނަބުރު ތާއިދުކޮށްފައިވަނީ މިހާރުގެ ރައީސް ޑރ،މުހައްމަދު މުއިއްޒަށެވެ. ރައީސް މުއިއްޒަށް ވޯޓު ހޯދުމަށް ބުރަ މަސަކަތްތަކެއް ޝިފާއާއި ޑިމޮކްރެޓްސްއިން ކޮށްފައިވެއެވެ.
އެމްޑީޕީ ގައުމީ މަޖުލީހުން ހުސްވެފައިވާ ދާއިރާތަކަށް މެމްބަރުން އައްޔަން ކުރުމަށް ބާއްވާ އިންތިހާބު އޮންނާނީ އަންނަ މަހު 2 ގައެވެ.
