”މަރާލާފައިވާ މީހުންނާއި ގެއްލުވައިލާފައިވާ މީހުންގެ މައްސަލަތައް ތަޙުޤީޤު ކުރާ ކޮމިޝަން“ ރައީސުލްޖުމްހޫރިއްޔާ ޑރ.މުހައްމަދު މުއިއްޒު އުވާލައްވައިފިއެވެ.
މި ކޮމިޝަން އުވާލެއްވީ މިއަދު ރައީސް ނެރުއްވި ގަރާރަކުންނެވެ. ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި މަރުކޮމިޝަން އެކުލަވާލީ 2012 ޖެނުއަރީ އެކަކުން ފެށިގެން 2018 ނޮވެމްބަރު 17ގެ ނިޔަލަށް މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ބެލުމަށެވެ. މަރު ކޮމިޝަން އުވާލުމަށް ނިންމުމާ ގުޅިގެން، އެ ކޮމިޝަނުން ބަލާފައިވާ މައްސަލަތަކާއި ބަލަމުންދާ މައްސަލަ ތަކުގެ ތަފްސީލުތައް އާއްމު ކުރުމަށް ބައެއް ފަރާތްތަކުން ސަރުކާރަށް ވަނީ ގޮވާލާފައެވެ.
