ރައީސް ސޯލިހާއި އިންތިހާބީ ރައީސް ޑރ. މުއިއްޒާއި ބައްދަލު ކުރައްވައިފިއެވެ. ދެ ބޭފުޅުން ބައްދަލުކުރައްވާފައިވަނީ މިއަދު މެންދުރު ފަހު ރައީސް އޮފީހުގައެވެ.
އިއްޔެ ބޭއްވި ރިޔާސީ އިންތިހާބުގައި މުއިއްޒަށް ލިބިވަޑައިގެންނެވި ބޮޑު ކާމިޔާބީ އަށް ފަހު ރައީސް އިބްރާހިމް މުހައްމަދު ސޯލިހާ އެކު ބޭއްވެވި ފުރަތަމަ ބައްދަލުވުމެވެ.
އިއްޔެ ބޭއްވި ރިޔާސީ އިންތިހާބުގެ ދެވަނަ ބުރުގެ ވަގުތީ ނަތީޖާ ދައްކާ ގޮތުން، މުއިއްޒަށް ވަނީ 54 ޕަސެންޓާއެކު 129،159 އަށްވުރެ ގިނަ ވޯޓު ހޯއްދަވައިފައެވެ. ރައީސް ސޯލިހަށް ލިބިވަޑައިގެންނެވީ 45.96 ޕަސެންޓެވެ. އެއީ 109،868 އަށްވުރެ ގިނަ ވޯޓެވެ.
