މި ފަހަރުގެ ރިޔާސީ އިންތިހާބުގައި މީގެ ކުރިން ލިސްޓުކުރެވިފައިނުވާ ދެ ރިސޯޓެއްގައި ވޯޓު ފޮށި ބަހައްޓަން އިލެކްޝަން ކޮމިޝަނުން ހަމަޖައްސައިފިއެވެ. މި ގޮތުން ހަމަޖައްސާފައިވަނީ:
– ފަރި ކެމްޕަސް މޯލްޑިވްސް (ކ. ރަށްފަޅު ހުރާ)
މި ފޮއްޓަށް ވޯޓު ލުމަށް ހަމަޖެހިފައިވަނީ ފަރި ކެމްޕަސް މޯލްޑިވްސް އާއި ރިޒްކާލްޓަން މޯލްޑިވްސްގައި މަސައްކަތްކުރާ މީހުންގެ ތެރެއިން މި ފޮއްޓަށް ރެޖިސްޓްރީ ކުރާ މީހުންނާއި މި ފޮއްޓަށް ރެޖިސްޓްރީ ކުރާ އެހެނިހެން ދިވެހި ރައްޔިތުންނަށެވެ.
– އަމާރި ރާޔާ މޯލްޑިވްސް (ރ.ކުޑަކުރަތު)
މި ފޮއްޓަށް ވޯޓުލާނީ އަމާރި ރާޔާ މޯލްޑިވްސްގައި މަސައްކަތްކުރާ މީހުންގެ ތެރެއިން މި ފޮއްޓަށް ރެޖިސްޓްރީކުރާ މީހުންނާއި މި ފޮއްޓަށް ރެޖިސްޓްރީކުރާ އެހެނިހެން ދިވެހި ރައްޔިތުންނަށެވެ.
އިލެކްޝަން ކޮމިޝަނުން މައުލޫމާތުދޭ ގޮތުގައި މި އަހަރުގެ ރިޔާސީ އިންތިހާބުގައި ވޯޓުފޮށި ބެހެއްޓުމަށް ހަމަޖެހިފައިވާ ރިސޯޓުތަކުގެ ތެރެއިން އެ ރިސޯޓުތަކުގައި ވޯޓުފޮށި ބަހައްޓާނީ އެ މީހަކު ވޯޓުލާން ރެޖިސްޓްރީ ވެފައިވާ ރަށް ނޫން އެހެންތަނެއްގައި ވޯޓު ލުމަށްޓަކައި ރެޖިސްޓްރީ ވުމަށް އިލެކްޝަނުން ހުޅުވާލާ މުއްދަތުގެ ތެރޭގައި އެއިން ރިސޯޓެއްގައި ވޯޓުލުމަށް މަދުވެގެން 30 މީހުން ރެޖިސްޓްރީވެފައިވާ ނަމައެވެ.
މި ފަހަރުގެ ރިޔާސީ އިންތިހާބު އޮންނާނީ މި އަހަރުގެ ސެޕްޓެމްބަރު 9 ވާ ހޮނިހިރު ދުވަހެވެ.
