މި އަހަރުގެ ރިޔާސީ އިންތިހާބަށް އެންމެ ފުރަތަމަ ފޯމު ހުށައެޅި ކެންޑީޑޭޓް ކުރީގެ ރައީސް ޔާމީނަށް ތާއިދު ނުކުރާނެ ކަމަށް އަހުމަދު މުއިއްޒު ވިދާޅުވެއްޖެއެވެ.
މަޝްހޫރު ގާނޫނީ ވަކީލު އަހުމަދު މުއިއްޒު މިހެން ވިދާޅުވީ އެމަނިކުފާނު އިއްޔެ ކުރެއްވި އެކްސް މެސެޖެއްގައެވެ.
”ރައީސް ޔާމީނަށް އަޅުގަނޑުގެ ތާއިދެއްނެތް، އެމްއެމްޕީއާރުސީ މެދުވެރިކޮަށް ހިންގި ހިޔާނާތާއި ގުޅޭ ގޮތުން ރައީސް ޔާމީނު ހަގީގީ މާނާގައި ޖަވާބުދާރީވެ ވަޑައިގަންނަވަން ޖެހޭނެ“ މުއިއްޒުގެ މެސެޖުގައި ވިދާޅުވެފައިވެއެވެ.
އަހުމަދު މުއިއްޒަކީ ޝަރުއީ ދާއިރާގެ އިތުރުން ސިޔާސީ އަދި ގާނޫނީ ކަންކަމުގެ ތަޖުރިބާ ހުރި ބޭފުޅެކެވެ.
މުއިއްަޒުގެ އެ މެސެޖަށް ޕީޕީއެމްގެ ބައެއް ސަޕޯޓަރުން ބުނެފައިވަނީ އެބޭފުޅާގެ ސަޕޯޓު ބޭނުން ނުވާނެ ކަމަށާއި ’ތީކާކު‘ ތޯ ކަހަލަ މާލާމާތުގެ މެސެޖުތަކުން ރައްދު ދީފައެވެ.
ތިބޭފުޅުން ސަޕޯޓް ކުރައްވާނީ ވިޔަފާރިވެރި މަހުޖަނުންނަށެވެ. ފަހަރުގައި ރަހަބައްލަވާލަން ލިބޭނީވެސް އޭރުންނެވެ.