އައްޑޫ ސިޓީގައި މިއަދު ހަވީރާއި މިރޭ އަލިފާނުގެ ހާދިސާތަކެއް ހިނގައިފިއެވެ.
އެމްއެންޑީއެފުން މައުލޫމާތުދޭ ގޮތުގައި މިއަދު ހަވީރާއި މި ރޭގައި ހިނގި އަލިފާނުގެ ހާދިސާތަކަށް އެމްއެންޑީއެފް ސަދަން އޭރިއާ ކޮމާންޑުގެ ފަޔަރ ކޮމްޕޯނަންޓްތަކުން ހަރަކާތްެރިވިއެވެ.
ފުރަތަމަ ހާދިސާ ހިނގާފައިވަނީ މިއަދު ހަވީރު އައްޑޫ ސިޓީ ހުޅުމީދޫ މާފިށި ސަރަހައްދު ވަލުތެރޭގައެވެ. އެމްއެންޑީއެފުން މައުލޫމާތުދޭ ގޮތުގައި މި ހާދިސާގެ މައުލޫމާތު މިއަދު ހަވީރު 17:26 ހާއިރު އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައެވެ. މިގޮތުން، އެ ފަޔަރ ސްޓޭޝަނުގެ ފަޔަރ ފައިޓަރުން ކުރި މަސައްކަތުން ވަލުތެރޭގައި ރޯވި އަލިފާން ނިއްވާލެވުނީ އިރުއޮއްސި 17:56 ހާއިރުއެވެ.
ދެވަނަ ހާދިސާ ހިނގާފައި ވަނީ އައްޑޫ ސިޓީ ހިތަދޫ އައިސް ޕްލާންޓް ކައިރީ ވަލުތެރޭގައެވެ. އެމްއެންޑީއެފުން މައުލޫމާތުދޭ ގޮތުގައި މި ހާދިސާގެ މައުލޫމާތު މިއަދު އިރުއޮއްސި 18:39 ހާއިރު އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައެވެ. މިގޮތުން، ހިތަދޫ ފަޔަރ ސްޓޭޝަނުގެ ފަޔަރ ފައިޓަރުން ކުރި މަސައްކަތުން ވަލުތެރޭގައި ރޯވި އަލިފާން ނިއްވާލެވުނީ މިރޭ 18:50 ހާއިރުއެވެ. އައްޑޫ ސިޓީގައި
އަލިފާނުގެ ތިންވަނަ ހާދިސާއަކީ، އައްޑޫ ސިޓީ މީދޫ ބޮންޑޯ އެޅަގެ ގޯތި ތެރޭގައި ހުރި ރުކެއްގައި އަލިފާން ރޯވުމެވެ. އެމްއެންޑީއެފުން މައުލޫމާތުދޭ ގޮތުގައި މި ހާދިސާގެ މަޢުލޫމާތު މިރޭ 20:01 ހާއިރު އެމްއެންޑީއެފް ސަދަން އޭރިއާ ކޮމާންޑް ހުޅުމީދޫ ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައެވެ. މިގޮތުން، ހުޅުމީދޫ ފަޔަރ ސްޓޭޝަނުގެ ފަޔަރ ފައިޓަރުން ކުރި މަސައްކަތުން ރުކުގައި ރޯވި އަލިފާން ނިއްވާލެވުނީ މިރޭ 20:23 ހާއިރުއެވެ.
މި ތިން ހާދިސާގައި ވެސް އެއްވެސް މީހަކަށް އަނިޔާއެއް ލިބިފައި ނުވެއެވެ.
