މޯލްޑިވްސް މީޑިއާ ކައުންސިލުން ހުސްވެފައިވާ މެމްބަރު ކަމުގެ އިންތިހާބު ކާމިޔާބުކޮށް، މީޑިއާ ކައުންސިލްގެ ގޮނޑި މުހައްމަދު އިގްނާޒް އަލީ ކާމިޔާބު ކޮށްފިއެވެ. މިއަދު މެންދުރު ވެލާނާގޭގައި ކުރިއަށް ދިޔަ މި އިންތިހާބު ގައި މުހައްމަދު އިގްނާޒް އަލީ (ހަޒާރުމާގެ / ނ.ފޮއްދޫ) އާއި ވާދަކޮށްފައިވަނި އިބްރާހިމް ރަމީޒް (ވައްތިޔަރަގެ/މާލެ) އެވެ. އިބްރާހިމް ރަމީޒަކީ އަލީ ރަމީޒުގެ ކޮއްކޮގެ އިތުރުން ސަލަފު ޖަމުއިއްޔާއާއި އެޓޯލް ނިއުސް ގެ ހަރަކާތްތެރި މެމްބަރެކެވެ. އިގްނާޒަކީ މީގެ ކުރިން ބައެއް މީޑިއާ ތަކާއި އަދި ޓީވީ ޗެނަލްތަކުގެ ޕްރޮގްރާމް ހުށައެޅުންތެރިއެކެވެ. މީގެ އިތުރުން ލިވްއެބޯޑް އެސޯސިއޭޝަންގެ ސެކެޓްރީ ޖެނެރަލްކަން ވެސް އަދާކުރިއެވެ.
މި އިންތިހާބުގައި މުހައްމަދު އިގްނާޒް އަލީ އަށް 36 ވޯޓް ލިބުނު އިރު އިބްރާހިމް ރަމީޒަށް ލިބިފައިވަނީ 1 ވޯޓެވެ. މި އިންތިހާބުގައި ވޯޓު ލުމަށް 66 މީޑިއާ އަކުން ރަޖިސްޓްރީކޮށް، ވޯޓުގައި ބައިވެރިވެފައިވަނީ 37 މީޑިއާއަކުންނެވެ.
