މރައްޔިތުންގެ މަޖިލީހުގެ އިންތިހާބުގައި ވޯޓުލުމަށް ރީ ރަޖިސްޓްރޭޝަންވުމުގެ ފުރުސަތު އިލެކްޝަންސް ކޮމިޝަން އިން ހުޅުވާލައިފިއެވެ.
އިލެކްޝަން ކޮމިޝަނުގެ ނައިބު ރައީސް އިސްމާއީލް ހަބީބު އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ މިހާރު ރަޖިސްޓްރީވެފައިވާ ތަން ނޫން އެހެން ތަނެއްގައި ވޯޓުލުމަށް ބޭނުންވާ މީހުން މިއަދުން ފެށިގެން މިމަހުގެ ހަތްވަނަ ދުވަހުގެ ނިޔަލަށް ރީރަޖިސްޓްރީ ކުރުމުގެ ފުރުސަތު ހުޅުވާލާފައިވާ ކަމަށެވެ.
ރީ ރަޖިސްޓްރީ ކުރެވޭނީ ހަމައެކަނި އޮންލައިންކޮށް ކަމަށެވެ. އީސީގެ ޕޯޓަލް https://form.elections.gov.mv މެދުވެރިކޮށް އޮންލައިންކޮށް ރީ ރަޖިސްޓްރޭޝަން ކުރެވޭނެއެވެ.
ވޯޓުލާން ޖެހެނީ ކޮންތަނަކަށްތޯ ބެލުމަށް 1414 އަށް ގުޅައިގެންނާއި ”VR (ސްޕޭސް) އައިޑީ ނަމްބަރު“ ޖެހުމަށްފަހު 1414 އަށް މެސެޖު ކުރުމުން، ވޯޓުލުމަށް ރެޖިސްޓްރީވެފައިވާ ތަން ބެލޭ ގޮތަށްވެސް އިލެކްޝަން ކޮމިޝަނުން ވަނީ ހަމަޖައްސާފައެވެ.
މަޖިލިސް އިންތިހާބު ބާއްވަން އީސީން ނިންމާފައިވަނީ އަންނަ މަހުގެ 17 ގައެވެ. ރީ ރެޖިސްޓްރީ ކުރުމާއި ވަގުތު އޮއްވާ ވޯޓުލާން ޖެހޭ ތަން ސާފުކުރުމަށް އިލެކްޝަން ކޮމިޝަނުން އިލްތިމާސް ކުރެއެވެ.
