މާލެއިން އުތުރު ރަށަކުން ކުޑަކުއްޖަކާއި އެއް ޖިންސުން ޖިންސީ ގުޅުން ހިންގި މީހަކު ފުލުހުންގެ ބެލުމުގެ ދަަށަށް ގެނެސްފިއެވެ.
އެރަށުން ވާހަކަދެއްކީ މީހަކު ބުނީ އޭނާ އެކަން ކުރާތާ ވަރަށް ދުވަސް ވެއްޖެ ކަމަށެެވެ. މީނާ މި ކަން ކުރާތީ ރަށުގެ ބައެއް މީހުން ފާރަލަމުންދަނިކޮށް ފެނުނީ ވަލު ތެރޭގައި ބަރަހަނާ ހާލުގައި ހުއްޓައެވެ.
”އޭނާ އެކަން ކުރަން އުޅެނިކޮށް ރެޑް ހޭންޑުކޮށް ރައްޔިތުންގެ ބަޔަކު ވަނީ ހިފާފަ، އެ ވަގުތުވެސް އޭނާ ތައްޔާރުވަމުން ދިޔައީ ޖިންސީ އަމަލު ހިންގުމަށް، އޭގެ ކުރިން ރަށު ތެރޭގައި އެކަމެއް ހިނގާ ކަމަށް ވާހަކަ ދެކެވުމުން އައި“ އެ ރަށުން އެ މައުލޫމާތު އިނގޭ މީހަކު މުރާސިލަށް ވާހަކަ ދައްކަމުން ބުންޏެވެ.
މި އަމަލު ހިންގި މީހާ އަކީ ރައްޔިތުންގެ މަޖުލީހުގެ އިންތިހާބުގެ ދުވަސްވަރު، އެ ރަށު ފެނަކައިން ވަޒީފާ ދީފައިވާ މީހެކެވެ. އިއުލާން ކުރުމެއް ނެތި ވަޒީފާ ދިނުމުން އެ ދުވަސްވަރު ރަށު ތެރޭގައި މައްސަލަ ގޯސްވެފައިވާ ކަމަށްވެއެވެ.
އެއްޖިންސުން ގުޅުން ހިންގި މައްސަލާގައި ކުޑަކުއްޖެއް ހިމެނޭތީ ރަށާއި މީހުންގެ ވަނަވަރު ހާމަކުރުމުގައި ކަމާ ބެހޭ ފަރާތުންދޭ މައުލޫމާތުގެ އިތުރުން އެ ކުއްޖާގެ މައުލޫމާތު ހާމަވާ ފަދަ ހަބަރެއް ނޫސްތަކުގައި މިހާރު ޝާއިއެއް ނުކުރެވެއެވެ.
