މާލެސިޓީ ކައުންސިލުގެ ގަލޮޅު މެދުދާއިރާގެ މެމްބަރު ރީހާން ނާޒިމް (ރީނު) ދަ ޑިމޮކްރެޓްސް ޕާޓީން ވަކިވުމަށް ނިންމައިފިއެވެ.
ދަ ޑިމޮކްރެޓްސް އެތެރޭގެ އިންތިހާބުގައި އަންހެން ނައިބު ރައީސަކަށް ވާދަކުރި ރީހާން ޑިމޮކްރެޓްސްއިން ވަކިވި ސަބަބެއް ބުނެފައިނުވެއެވެ. މައްސަލަ ބޮޑުވި އިންތިހާބުގައި ރީނު ނިސްބަތްވާ ހުސެއިން އަމުރު ޓީމުގެ ގިނަ މެމްބަރުންނަށްވަނީ އިންތިހާބުގައި ނާކާމިޔާބުވެފައެވެ. މީގެ ތެރޭގައި ރައީސް ކަމަށް ވާދަކުރި ހުސެއިން އަމުރުވެސް ހިމެނެއެވެ. އަމުރުގެ ޓީމުން މި އިންތިހާބުގެ ނަތީޖާ ގަބޫލުކުރަން ދެކޮޅު ހަދަމުންދަނިކޮށް، ނަތީޖާ އިއުލާންކުރީ ވޯޓުލުން ނިމި 1 ދުވަސް ފަހުންނެވެ.
ޑިމޮކްރެޓްސްގެ އަންހެން ނައިބު ރައީސް ގެ މަގާމު ކާމިޔާބު ކުރީ އައިޝަތު އަލައިކާއެވެ. މި އިންތހާބުގައި ރީހާންއަށް 1239 ވޯޓު ލިބުނު އިރު އަލައިކާއަށް 2048 ވޯޓު ލިބިފައިވެއެވެ.
މާލެސިޓީ ކައުންސިލަށް އެމްޑީޕީގެ ޓިކެޓުގައި ހޮވުނު ރީހާން ނާޒިމް ޑިމޮކްރެޓްސް ޕާޓީއާއި ގުޅި، އެ ޕާޓީގެ ގިނަ ހަރަކާތްތަކެއްގެ އިސް ސަފުގައިވަނީ މަސައްކަތްކޮށްފައެވެ.
