މިސްކިތްތަކުގެ އިމާމުންނަށް ހާއްސަކޮށްގެން ޕީއެޗްޑީ ޕްރޮގްރާމެއް ވަރަށް އަވަހަށް ފައްޓަވާނެ ކަމަށް އިސްލާމިކް މިނިސްޓަރ ޑރ. މުހައްމަދު ޝަހީމު އަލީ ސައީދު ވިދާޅުވެއްޖެއެވެ.
ސޯސަލް މީޑިއާގައި އެމަނިކުފާނު ޝާއިއުކުރެއްވި ލިޔުމެއްގައި ވިދާޅުވީ އިސްލާމީ އިލްމުގެ ދާއިރާއަކުން މާސްޓާސް ހާސިލްކޮށްފައިވާ އިމާމުންނަށް ރާއްޖެއިން ބޭރުން ޕީއެޗްޑީ ހެދުމުގެ ފުރުސަތު ފަހިކޮށްދިނުމުގެ މަޝްރޫއެއް ފެށުމަށް ތައްޔާރުވަމުން އަންނަ ކަމަށާއި އެ މަޝްރޫއު ވަރަށް އަވަހަށް އިއުލާން ކުރައްވާނެ ކަމަށެވެ.
މީގެ އިތުރުން މިސްރާއި ސައުދީ އަރަބިއްޔާއާއި މެލޭޝިޔާއާއި ބުރޫނާއި އަދި އިންޑޮނީޝިއާ އިން ތަމްރީނުގެ ފުރުސަތު އިމާމުންނަށް ހޯދައިދެއްވާނެ ކަމުގައިވެސް ޝަހީމް ވިދާޅުވެފައިވެ އެވެ.
އައު ސަރުކާރުގެ އިސްލާމިކް މިނިސްޓަރު ކަމުގެ މަގާމަށް އައްޔަން ކުރެއްވި ޑރ.ޝަހީމުވަނީ މީގެ ކުރިންވެސް، ރައީސް ޔާމީނާއި ޑރ. ވަހީދުގެ ވެރިކަމުގައި އިސްލާމިކް މިނިސްޓަރުކަން ކުރައްވާ، އެ މިނިސްޓްރީ ގައި ކާމިޔާބު މަސައްކަތްތަކެއް ކުރައްވާފައެވެ. އައު ސަރުކާރުން އެކުލަވާލި ވުޒާރާތަކުގެ ތެރެއިންވެސް އެންމެ ހަރަކާތްތެރިކޮަށް ފެންނަނީ އިސްލާމިކް މިނިސްޓްރީއެވެ.
Dhenqruaannubaikoh kiyavaameehunah hadhaaneekihineh e eevayah vazeefaadheefaitibimeehun