ރައީސް އިބްރާހިމް މުހައްމަދު ސޯލިހުގެ ގެދޮރުވެރިކަމުގެ ވައުދުގަ ހިމެނޭ މާލޭ ރައްޔިތުންނަށް ގޯތި ދިނުމަށް ނިންމާފައިވާ ގިރާވަރުފަޅު ހިއްކާ ނިންމައިފިއެވެ. ޕްލޭނިން މިނިސްޓްރީގެ އޮފިޝަލަކު ވިދާޅުވީ މިހާރުވެސް އެތަނުން ގޯތިކަނޑާ ދެވޭގޮތަށް އަންނަނި ތައްޔާރުވަމުން ކަމަށާއި، އެ ފަޅު ހިއްކާފައިވަނީ ސަރުކާރުގެ ޕްލޭނާ އެއްގޮތަށް އެ ތަނުން ކަނޑައެޅި ގޯތިތައް ދެވޭނެ ގޮތަށް ކަމަށެވެ.
ގިރާވަރު ފަޅުން ގޯތި ދިނުމުން އިދިކޮޅު ރިޔާސީ ކެންޑިޑޭޓު ޑރ. މުއިއްޒާއި އެމަނިކުފާނުގެ ސަޕޯޓަރުންގެ ފާޑުކިޔުން ރައީސް ސޯލިހަށް ވަރަށް ބޮޑަށް އަމާޒުވިއެވެ. ހާއްސަކޮށް ކަނޑުން ގޯތި ދިން ކަމަށް ބުނެ ބައެއް ފަރާތްތަކުން އެތަނުން ފަސްކޮޅެއްވެސް ފެންނަން ނެތް ކަމަށްބުނެ ވަރަށް ބޮޑަށް ފާޑުކިޔަމުންދިއެވެ. ރައީސް ސޯލިހު ތަކުރާރުކޮށް ވިދާޅުވަމުން ދިޔައީ ޕްލޭން ކުރެވިފައިވާ ގޮތަށް އެ މުއްދަތުގައި އެ ފަޅު ހިއްކައި ގޯތި ދޭނެ ކަމަށެވެ. ފަޅު ހިއްކާ ބާއްވާއިގެން ވަކި ބަޔަކަށް ގޯތިދޭން ސިޔާސި ބޭނުމަކަށް ނުބާއްވާނެ ކަމަށާއި ގިރާވަރު ފަޅު ހިއްކާނިމޭ އިރު އެތަނުން ގޯތިލިބޭ ހައްގުވެރިން ކުރިންފެށިގެން އެނގުން މުހިއްމުކަމަށެވެ.
އަންނަ ހަފްތާގައި ގިރާވަރުން ގޯތިދޭއިރު މމިހާތަނަށް އައިއިރު، އެމިނިސްޓްރީން ވަނީ ހުޅުމާލެއިން ގޯތި ލިބުނު ފަރާތްތަކުގެ ތެރެއިން 700އެއްހާ މީހުންނަށް އެމީހުންގެ ގޯތި ކަނޑައި، ގޯތީގެ ރަޖިސްޓްރީ ހަވާލުކޮށްފައެވެ. އަދި ގުޅީފަޅުންވެސް ގޯތި ދިނުމުގެ މަސައްކަތްކުރަމުންދާއިރު، މިހާތަނަށް އައިއިރު، 40 މީހުންނަށް އެމީހުންގެ ގޯތި ކަނޑައި، ގޯތީގެ ރަޖިސްޓްރީ ވަނީ ހަވާލުކޮށްފައެވެ.
